పూరి జగన్నాథ్ డైరెక్షన్లో ‘హార్ట్ అటాక్’ చిత్రంతో టాలీవుడ్ కు పరిచయమైంది అదా శర్మ. ఆ చిత్రంలో తన నటనకి మంచి పేరు వచ్చినప్పటికీ తర్వాత పెద్దగా అవకాశాలేమీ రాలేదు. అల్లు అర్జున్ – త్రివిక్రమ్ కాంబినేషన్లో ‘సన్ ఆఫ్ సత్యమూర్తి’ వంటి పెద్ద అవకాశం వచ్చినా.. సైడ్ క్యారెక్టర్ కి పడేసారు. పోనీ ‘సుబ్రహ్మణ్యం ఫర్ సేల్’ వంటి చిత్రంలో సెకండ్ హీరోయిన్ గా ఛాన్స్ వచ్చినా కూడా కనీసం ఒక్క పాట కూడా ఇవ్వలేదు ఈ భామకి. ఇక అటు తర్వాత వచ్చిన ‘గరం’ చిత్రం ఫ్లాప్ గా మిగలగా ‘క్షణం’ చిత్రం పర్వాలేదనిపించింది. ప్రస్తుతం రాజశేఖర్ హీరోగా వస్తున్న ‘కల్కి’ చిత్రంలో నటిస్తుంది ఈ భామ.
ఇదిలా ఉండగా… తాజాగా తన సోషల్ మీడియాలో ఓ ఫోటో పెట్టింది అదా శర్మ. ఈ ఫోటీలో ఆమె డ్రెస్ ఇప్పుడు ‘టాక్ ఆఫ్ ది టౌన్’ అయ్యింది. అసలు ఈ డ్రెస్ ఎలా ఉందంటే… పింక్ కలర్ జాకెట్ వేసుకోగా .. ఆ జాకెట్ కు జేబులు. అలాగే బంగారు రంగు దారాలతో ఎంబ్రాయిడరీ. ఇవి చాలవన్నట్టు కాలర్.. మళ్ళీ హ్యాండ్ కఫ్స్ మాత్రం ఆరెంజ్ కలర్ తో ఉంది. ఇక తన జుట్టుకు బ్లూ కలర్ వేసింది. ఈ హంగామాకు తోడుగా సంబంధమే లేకుండా ఎవేవో ఆభరణాలు ధరించింది. దీనికి క్యాప్షన్ గా బాంబర్ జాకెట్ వేసుకున్నానని పేర్కొంది అదా. విషయంలోకి వెళితే… హలో మ్యాగజైన్ వారి అవార్డు ఫంక్షన్ లో ఫన్ కోసం ఈ వింత డ్రెస్ వేసుకుందట. ఇప్పుడు ఈ ఫోటో పై కొందరు నెటిజన్లు ట్రోల్ చేస్తున్నారు.
