కానీ.. ఆ పాత్రతో సక్సెస్ అవ్వగలదా?

December 29, 2020 / 01:36 PM IST

కొంతమంది హీరోయిన్స్ గ్లామర్ విషయంలో పెద్దగా క్రేజ్ అందుకోకపోయినప్పటికి నటనతోనే సరికొత్తగా మెప్పిస్తుంటారు. గ్లామర్ డోస్ పెంచితే తప్ప పెద్దగా అవకాశాలు రావనే నెగిటివ్ టాక్ కు కొంతమంది ముద్దు గుమ్మలు కౌంటర్ గట్టిగానే ఇస్తున్నారు. ఇక అలాంటి బ్యూటీలలో నివేత పేతురేజ్ ఒకరు. నిత్య మీనన్, సాయి పల్లవి లాంటి నటీమణుల తరహాలో నటనలో బాగానే మెప్పిస్తోంది. అంతే కాకుండా అప్పుడప్పుడు లిమిట్స్ దాటకుండా గ్లామర్ ను కూడా బాగానే ప్రజెంట్ చేస్తోంది.

అసలు మ్యాటర్ లోకి వస్తే ఇటీవల నివేత పేతురేజ్ కు అవకాశాలు కాస్త తగ్గినట్లు తెలుస్తోంది. ఒకవేళ ఛాన్సులు వచ్చినా కూడా మెయిన్ లీడ్ లో దొరకడం లేదు. ఇక ఆమె ప్రస్తుతం తన ఆశలన్నింటిని కూడా రెడ్ సినిమాపైనే పెట్టుకుంది. ఆ సినిమా సక్సెస్ అయితేనే ఇండస్ట్రీలో మరింత తొందరగా పెద్ద సినిమాల్లో ఛాన్స్ అందుకోవచ్చు. రెడ్ సినిమాలో పూర్తిగా గ్లామర్ కు దూరంగా ఉండే పాత్రలో నటించింది. ఒక పవర్ఫుల్ పొలిసాఫీసర్ గా కనిపించనుంది.

రెడ్ సినిమా దర్శకుడు కిషోర్ తిరుమల గతంలో చేసిన చిత్రాలహరి సినిమాలో కూడా నివేత పేతురేజ్ మంచి పాత్రలో నటించి క్రేజ్ అందుకుంది. ఇక ఇప్పుడు రెడ్ సినిమాతో అంతకంటే హై రేంజ్ లో క్లిక్కవ్వాలని చూస్తోంది. మరి సినిమా ఏ రేంజ్ లో క్లిక్కవుతుందో చూడాలి. రెడ్ సినిమా సంక్రాంతి కానుకగా విడుదల కాబోతున్న విషయం తెలిసిందే.