శ్రీదేవి కూతుర్ని తెలుగోళ్ళు ఎందుకు పట్టించుకోవడం లేదు?

అతిలోక సుందరి శ్రీదేవి మరణించినప్పుడు యావత్ భారతదేశం దిగ్బ్రాంతి వ్యక్తం చేయగా.. మన తెలుగువాళ్ళు ఏకంగా ఆమెకు గుండెల్లో గుడి కట్టేశారు. ఆ టైమ్ లో అందరూ ఇక శ్రీదేవి కూతురే నెక్స్ట్ అతిలోక సుందరి అని ఫిక్స్ అయిపోయారు. కేవలం శ్రీదేవి మీద అభిమానంతోనే చాలా యావరేజ్ సినిమా అయిన జాన్వి కపూర్ పరిచయ చిత్రం “ధడక్”ను కూడా బ్లాక్ బస్టర్ హిట్ చేశారు హిందీ ఆడియన్స్. తెలుగు ప్రేక్షకులకు కూడా జాన్వికపూర్ ను తెలుగు తెరపై చూడాలని, ఆమెను శ్రీదేవి వలె ఆదరించాలని ఆశగా ఉన్నప్పటికీ.. మన తెలుగు సినిమా దర్శకనిర్మాతలు మాత్రం జాన్వి కపూర్ మీద కాన్సన్ ట్రేట్ చేయడం లేదు. అందుకు కారణాలు చాలా ఉండొచ్చు కానీ.. ఎవరెవరో తెలియని ముఖాలను ముంబై, పూణే నుంచి దిగుమతి చేసుకొనే మన దర్సకనిర్మాతలు మన తెలుగు హీరోయిన్ అయిన శ్రీదేవి కుమార్తెను ఎందుకని పట్టించుకోవడం లేదో అర్ధం కావడం లేదు.

అసలు శ్రీదేవి అయితే అప్పట్లో తెలుగులోనే జాన్వి కపూర్ చేత ఎంట్రీ చేయించాలనుకొంది. కానీ.. సరైన ప్రొజెక్ట్ దొరక్కపోవడంతో హిందీకి ఫిక్స్ అయ్యింది. ఇప్పుడు శ్రీదేవి లేకపోవడంతో బోణీకపూర్ ను మన తెలుగు దర్శకనిర్మాతలు ఎవరూ అప్రోచ్ అవ్వడం లేదట. జాన్వికపూర్ కు కూడా తెలుగులో నటించాలన్న కోరిక బలంగా ఉందట. ఈ విషయాన్ని ఇప్పటికైనా చిరంజీవి, నాగార్జున లాంటివారు గమనించి తమ తనయుల సరసన నటించే అవకాశాన్ని ఆమెకు కల్పిస్తే.. సంతోషంగా జూనియర్ శ్రీదేవిని వెండితెరపై చూసుకొనే అదృష్టం మనకూ కలుగుతుంది.