చూడగానే ఆకట్టుకొనే పెద్ద కళ్ళు, పొడవైన మొహం, మంచి ఎత్తు, చక్కటి శరీర సౌష్టవం, పర్వాలేదనిపించుకొనే అభినయ సామర్ధ్యం.. అన్నిటికీ మించి అందాల ఆరబోతకు ఏమాత్రం అడ్డుచెప్పని నైజం. అన్నీ ఉన్నా సరే పొడుగుకాళ్ళ సుందరు ప్రగ్యాజైస్వాల్ కు అవకాశాల్లేకుండాపోయాయి. కెరీర్ కాస్త ఆశాజనకంగా సాగుతున్న తరుణంలో విష్ణు మంచుతో చేసిన “ఆచారి అమెరికా యాత్ర” ఆమె కెరీర్ కు అడ్డంకిగా నిలిచింది. ఆ సినిమా ఎప్పుడు విడుదలయ్యిందో కూడా జనాలకి తెలియకుండా మాయమైంది. ఆ సినిమా డిజాస్టర్ తర్వాత తెలుగు ఇండస్ట్రీ నుంచి ఆమెను కన్నెత్తి చూసినవారు లేరు.
అప్పట్నుంచి ఏదో ఒకరకంగా ఫామ్ లో ఉండడం కోసం రోజుకో ఫోటో చొప్పున ఆన్లైన్ లో పెడుతూనే ఉంది. క్లీవేజ్ షో కూడా చేసింది అయినా జనాలు పట్టించుకున్నట్లు కనిపించలేదు అమ్మడికి. అందుకనేనేమో అమ్మడు ఉన్నట్లుండి.. సారీలో ఒక సెన్సిబుల్ ఫోటోషూట్ చేయించుకొని ఆన్లైన్ లో వదిలింది. ఆ ఫోటోలు చూసినవాళ్ళందరూ అబ్బా అమ్మాయి అదిరింది అంటూనే… ఈమెకు అవకాశాలు ఎందుకు రావడం లేదంటారు అని చర్చించుకోసాగారు. మరి ప్రగ్య ప్రయత్నాలు ఫలించి ఏదో ఒక సినిమా ఒకే అయితే బాగుండు.
