మాస్ మెచ్చే కథతో వస్తున్న ఎన్టీఆర్

“నువ్వు విజిలేస్తే ఆంధ్ర సోడా బుడ్డీ” అని వెండితెర పై పాట వస్తుంటే థియేటర్లో ప్రేక్షకులందరూ లేచి డ్యాన్సులు వేశారు. విజిల్స్ తో దుమ్ములేపారు. సింహాద్రిని బ్లాక్ బస్టర్ చేశారు. మాస్ లో యంగ్ టైగర్ ఎన్టీఆర్ కు ఉన్న క్రేజ్ అది. తారక్ కూడా వారిని దృష్టిలో ఉంచుకొనే కథలు ఎంచుకుంటుంటారు. ఈ మధ్య నాన్నకు ప్రేమతో, జనతా గ్యారేజ్ అంటూ కొత్త కథలవైపు అడుగులు వేశారు. అవి విజయం సాధించినప్పటికీ మాస్ ప్రేక్షకులు పూర్తిగా సంతృప్తిగా లేరు. అందుకే ఈ సారి ఊర మాస్ కథ తో వస్తున్నారు. బాబీ దర్శకత్వంలో ఎన్టీఆర్ చేయనున్న సినిమాలో పూర్తి యాక్షన్ ఉండనున్నట్లు సమాచారం.

ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ మూవీలో తారక్ త్రిపాత్రాభినయం చేయనున్నారు. వారి పక్కన ముగ్గురు భామలు అందాలతో కనువిందు చేయనున్నారు. అంతేకాదు జనతా గ్యారేజ్ లో పక్కా లోకల్  వంటి ఐటెం సాంగ్ కూడా ఇందులో ఉంటుందంట. తమిళ మ్యూజిక్ డైరక్టర్ అనిరుధ్ ఎన్టీఆర్ ఇమేజ్ ని దృష్టిలో పెట్టుకుని పాటల కంపోజింగ్ లో బిజీగా ఉన్నారు. ఈ మూవీలో నందమూరి హరికృష్ణ, కళ్యాణ్ రామ్ కూడా ప్రత్యేక పాత్రలో కనిపించనున్నట్లు తెలిసింది.  సంక్రాంతి తర్వాత  ఈ  చిత్రం రెగ్యులర్ షూటింగ్ జరుపుకోనుంది.

Also, do SUBSCRIBE to our YouTube channel to get latest Tollywood updates.