బుల్లి తెరపై చిన్న చిన్న షోస్ చేసుకునే హరితేజ కెరీర్ ఊపందుకోనుంది. వెండితెరపై వెలిగిపోనుంది. ప్రస్తుతం ఈమె గురించే టాలీవుడ్ వర్గాల్లో చర్చ జరుగుతోంది. ఈటీవీ వంట కార్యక్రమాల ద్వారా టీవీ ప్రేక్షకులకు తెలిసిన హరితేజ.. త్రివిక్రమ్ దర్శకత్వంలో వచ్చిన అ.. ఆ మూవీ ద్వారా వెండితెరకు పరిచయమైంది. ఈ సినిమాతో సినీ ప్రపంచంలో అడుగుపెట్టింది. విన్నర్, ఉంగరాల రాంబాబు వంటి సినిమాల్లో అవకాశం అందుకుంది. అప్పటి వరకు స్లో గా నడిచిన ఆమె కెరీర్ బిగ్ బాస్ షో తో ఒక్కసారిగా మలుపు తిరిగింది. ఆమెలోని ప్రతి ట్యాలెంట్ ని బయటపెట్టడానికి ఈ షో వేదికైంది. ఆమె నటన, వ్యక్తితంతో తెలుగు ప్రేక్షకుల మనసు గెలుచుకుంది. ఈ షో కి హోస్ట్ గా వ్యవహరిస్తున్న ఎన్టీఆర్ కూడా హరితేజకి ఫ్యాన్ అయిపోయారు.
అందుకే షో ముగిసిన తర్వాత ఫలితమతో సంబంధం లేకుండా తన ప్రతి సినిమాలో హరితేజకి ఓ రోల్ తప్పకుండా ఇవ్వడానికి తారక్ రెడీగా ఉన్నట్లు తెలిసింది. అంతేకాదు తనకి తెలిసిన దర్శకుల సినిమాల్లోనూ హరితేజకి సరిపోయే రోల్ ఉంటే ఇవ్వమని స్వయంగా అడగనున్నట్లు తెలిసింది. ఎన్టీఆర్ అంతటోడే అనుకుంటే అవకాశాలకు కొరవా.. సో హరితేజ లైఫ్ మారిపోనుంది.
