NTR, Naga Chaitanya: గుండమ్మ కథ చేయకపోవడానికి కారణమిదేనా.?

June 28, 2021 / 10:26 AM IST

టాలీవుడ్ ఇండస్ట్రీలోని సినిమాల్లో గుండమ్మ కథ సినిమాకు ప్రత్యేక స్థానం ఉంది. ఇప్పటి జనరేషన్ ప్రేక్షకులకు కూడా గుండమ్మ కథ సినిమా నచ్చుతుంది. ఈ సినిమాను బాలకృష్ణ, నాగార్జున హీరోలుగా రీమేక్ చేయాలని ప్రయత్నాలు జరగగా ఆ ప్రయత్నాలు సఫలం కాలేదు. నాగచైతన్య, జూనియర్ ఎన్టీఆర్ హీరోలుగా ఈ సినిమాను తెరకెక్కించే ప్రయత్నాలు జరగగా ఆ ప్రయత్నాలు కూడా వర్కౌట్ ఆలేదు. 1962 సంవత్సరంలో గుండమ్మ కథ రిలీజ్ కాగా ఎన్టీఆర్, ఏఎన్నార్, సావిత్రి, జమున ఒకే సినిమాలో నటించడంతో సినిమాపై అంచనాలు జరిగేలా చేశాయి.

అయితే ఈ సినిమాలో అందరికంటే సూర్యకాంతం పాత్ర హైలెట్ అయింది. ఈ సినిమాకు అప్పట్లోనే 90 లక్షల రూపాయల షేర్ వచ్చింది. జూనియర్ ఎన్టీఆర్ కు ఇప్పటికీ గుండమ్మ కథ సినిమాలో నటించాలనే కోరిక ఉంది. అయితే సూర్యకాంతం పాత్రకు సరైన నటి దొరకకపోవడంతో జూనియర్ ఎన్టీఆర్ వెనక్కు తగ్గారు. సూర్యకాంతం పాత్రకు సరిపోయే నటి దొరికితే మాత్రం ఈ మూవీ రాబోయే రోజుల్లో తెరకెక్కే అవకాశాలు అయితే ఉంటాయి.

సూర్యకాంతం గయ్యాలితనం, కోపం టైమింగ్ ను అందుకునే నటి దొరకడం కష్టమేనని చెప్పవచ్చు. జూనియర్ ఎన్టీఆర్, నాగచైతన్య ప్రస్తుతం వేర్వేరు ప్రాజెక్ట్ లతో బిజీగా ఉన్నారు. గోల్డెన్ క్లాసిక్ సినిమా అయిన గుండమ్మ కథ రీమేక్ భవిష్యత్తులోనైనా వస్తుందో లేదో చూడాల్సి ఉంది. నందమూరి, అక్కినేని హీరోల కాంబినేషన్ లో సినిమా వస్తే బాగుంటుందని ఆయా హీరోల ఫ్యాన్స్ అభిప్రాయపడుతున్నారు.