ఎన్టీఆర్, త్రివిక్రమ్ మూవీ వచ్చేది ఎప్పుడంటే ?

నందమూరి అభిమానులు ఎప్పటినుంచో కలలుకంటున్న మాటల మాంత్రికుడు త్రివిక్రమ్ శ్రీనివాస్, యంగ్ టైగర్ ఎన్టీఆర్ కాంబినేషన్ సెట్ అయింది. జనతా గ్యారేజ్ తర్వాత బాబీ దర్శకత్వంలో నటిస్తున్న తారక్ ఆ తర్వాత త్రివిక్రమ్ తో సినిమా చేసేందుకు అంగీకరించారు. ఆ చిత్రం సెట్స్ మీదకు ఎప్పుడు వెళ్లాలో, రిలీజ్ ఎప్పుడు చెయ్యాలో ఇప్పుడే ఓ నిర్ణయానికి వచ్చేసారు. ఎన్టీఆర్ ఆర్ట్స్ బ్యానర్లో యంగ్ టైగర్ చేస్తున్న 27 వ సినిమా ఫిబ్రవరి నుంచి రెగ్యులర్ షూటింగ్ జరుపుకోనుంది. ఇది పూర్తికావడానికి ఆరునెలలు సమయం పడుతుంది. త్రివిక్రమ్ శ్రీనివాస్ కూడా పవర్ స్టార్ పవన్ కళ్యాణ్ తో చేస్తున్న మూడో మూవీ ఫిబ్రవరి నుంచి సెట్స్ మీదకు వెళ్లనుంది. ఇది ఆగస్టులో కంప్లీట్ అవుతుంది.

అప్పటికీ ఈ డైరక్టర్ తో పాటు ఎన్టీఆర్ కూడా తమ ప్రాజక్ట్ నుంచి బయటికి వచ్చి ఉంటారు. ఆ తర్వాత అంటే సెప్టెంబర్ నుంచి వీరి కాంబినేషన్లో మూవీ తెరకెక్కనుంది.  హారిక & హాసిని క్రియేషన్స్ బ్యానర్ పై రాధాకృష్ణ  నిర్మించనున్న ఈ కుటుంబ కథా చిత్రాన్ని 2018 ఫిబ్రవరి నాటికి కంప్లీట్ చేసి వేసవికి రిలీజ్ చేయాలనీ చిత్ర బృందం డిసైడ్ అయింది. అరుదైన ఈ కాంబినేషన్లో వస్తున్న ఈ చిత్రంపై భారీ అంచనాలున్నాయి. అందుకే పక్కా ప్లానింగ్ తో వెళుతున్నారు.

Also, do SUBSCRIBE to our YouTube channel to get latest Tollywood updates.