మెగా డాటర్ నిహారిక వెండితెర రంగప్రవేశం చేస్తూ నటించిన “ఒక మనసు” నిన్న విడుదలై మిక్స్డ్ టాక్ సొంతం చేసుకొంది. మరీ నత్త నడకలా సాగే కథనం ప్రేక్షకుల సహనాన్ని పూర్తిస్థాయిలో పరీక్షిస్తుంది. అందువల్ల నిన్న నైట్ షోస్ కే చాలా థియేటర్లు ఖాళీగా దర్శనమిచ్చాయి. నిహారిక-నాగశౌర్యల కెమిస్ట్రీ మినహా సినిమాలో చూడడానికి ఏమీ లేకపోవడంతో ప్రేక్షకులు బాగా నీరసపడిపోతున్నారు.
అందుకే సినిమాలో ఒక 14 నిమిషాల నిడివిగల సన్నివేశాలను కత్తిరించేశారట. ఇదిలా ఉంచితే.. మెగా హీరోయిన్ ఎంట్రీ కావడంతో డిస్ట్రిబ్యూటర్లు “ఒక మనసు” సినిమాను భారీ ధరలకు కొన్నారట. మొదటిరోజు టాక్ చూసి సినిమాకు తాము పెట్టిన మొత్తంలో కనీసం సాగమైనా తిరిగి వస్తుందో? రాదో? అని తెగ టెన్షన్ పడిపోతున్నారంట. మరి దర్శకనిర్మాతలు వారిని ఏమైనా ఆదుకొంటారో? లేక ఆడుకొంటారో? చూడాలి!
