Chiranjeevi, Ravi Teja: మెగాస్టార్ తో మరోసారి రవితేజ!

September 29, 2021 / 07:36 PM IST

మెగాస్టార్ చిరంజీవి వరుసగా మూడు సినిమాలు ప్రేక్షకుల ముందుకు తీసుకురాబోతున్న విషయం తెలిసిందే. ఆ తర్వాత లూసిఫర్ రీమేక్ గాడ్ ఫాదర్ కూడా విడుదల కాబోతుంది. అలాగే బాబి దర్శకత్వంలో తెరకెక్కుతున్న వాల్తేరు వీర్రాజు సినిమా కూడా 2022 చివర్లో ప్రేక్షకుల ముందుకు వచ్చే అవకాశం ఉన్నట్లు తెలుస్తోంది. మెగాస్టార్ చిరంజీవిని మాస్ ప్రేక్షకులు ఎలాగైతే చూడాలని అనుకుంటున్నారో అదే తరహాలో అన్ని కమర్షియల్ ఎలిమెంట్స్ ను దర్శకుడు ప్రాజెక్ట్ లో ప్రజెంట్ చేయబోతున్నాడట.

ఇక సినిమాలో ఒక ముఖ్యమైన పాత్ర కోసం మాస్ రాజా రవితేజను కూడా తీసుకోబోతున్నట్లు తెలుస్తోంది. దర్శకుడు బాబీతో ఇదివరకే రవితేజ పవర్ అనే సినిమా చేశాడు. ఇక మెగాస్టార్ చిరంజీవి తో కూడా రవితేజ కెరీర్ మొదట్లో రెండు సినిమాలు చేశాడు. మెగాస్టార్ అన్నయ్య సినిమాలో తమ్ముడిగా కనిపించిన రవితేజ అ ఆ తర్వాత చాలా ఏళ్ళకు హీరోగా మారిన తర్వాత శంకర్ దాదా జిందాబాద్ లో ఒక సాంగ్ లో కనిపించాడు.

ఇక మళ్లీ ఇన్నాళ్లకు బాబీ దర్శకత్వంలో తెరకెక్కుతున్న ఈ మాస్ ఎంటర్టైనర్ కథలో స్పెషల్ పాత్రలో కనిపించనున్నట్లు తెలుస్తోంది. వీలైనంత త్వరగా ఈ సినిమా షూటింగ్ మొదలు పెట్టే వచ్చే ఏడాది సమ్మర్ అనంతరం పూర్తి చేయాలని అనుకుంటున్నారు.