టాలీవుడ్ బడా ప్రొడ్యూసర్ దిల్ రాజ్ ప్రస్తుతం పీకల్లోతు కష్టాల్లో ఉన్నారు. ఆయన నిర్మించిన, నిర్మిస్తున్న చిత్రాలు లాక్ డౌన్ కారణంగా ఇరుక్కుపోయాయి. నాని హీరోగా తెరకెక్కిన ‘వి’ మూవీ విడుదల ఆగిపోగా, పవన్ తో చేస్తున్న వకీల్ సాబ్ షూటింగ్ చివరి దశలో ఆగిపోయింది. అలాగే హిందీలో షాహిద్ కపూర్ తో చేస్తున్న తెలుగు మూవీ జెర్సీ హిందీ రీమేక్ షూటింగ్ కూడా హోల్డ్ లో పడింది. దీనితో 150 కోట్లకు పైగా పెట్టుబడి ఫలితాలు ఇవ్వకుండా నిలిచిపోయింది.
థియేటర్స్ ఓపెన్ అయితే…వి మరియు వకీల్ సాబ్ చిత్రాలు విడుదల చేసి పెట్టుబడి రాబట్టుకోవాలని దిల్ రాజు చూస్తున్నారు. ఇదే పరిస్థితి కొనసాగితే మరో ఏడాదికి థియేటర్స్ తెరుచుకోవడం కష్టమే అన్నమాట వినిపిస్తుంది. ఇది దిల్ రాజును మరింత ఆందోళనకు గురిచేస్తుంది. కాగా దిల్ రాజు మరో బాలీవుడ్ ప్రాజెక్ట్ కి జెండా ఊపారు. ఇటీవల విడుదలై పాజిటివ్ టాక్ తెచ్చుకున్న హిట్ మూవీని హిందీలో ఆయన నిర్మించనున్నారు. రాజ్ కుమార్ రావ్ హీరోగా నటిస్తుండగా, ఒరిజినల్ తెరకెక్కించిన డైరెక్టర్ శైలేష్ కొలను ఈ మూవీకి కూడా దర్శకత్వం వహించనున్నారు.
వచ్చే ఏడాది ఈమూవీ సెట్స్ పైకి వెళ్లనుంది. కాగా తెలుగులో ఈ మూవీకి పాజిటివ్ టాక్ వచ్చినప్పటికీ వసూళ్ల పరంగా ఏమంత మెరుగైన ప్రదర్శన చూపలేదు. సీరియస్ ఇన్వెస్టిగేటివ్ థ్రిల్లర్ కావడంతో ఓ వర్గం ప్రేక్షకులు దీని వైపే చూడలేదు. అలాంటి యావరేజ్ కంటెంట్ మూవీని హిందీలో అంత బడ్జెట్ తో నిర్మించి ఆయన రిస్క్ చేస్తున్నారనిపిస్తుంది. తెలుగులో ఈ మూవీలో విశ్వక్ సేన్ హీరోగా నటించగా, నాని నిర్మించారు.
Most Recommended Video
15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!
