మాస్ మహారాజా రవితేజ ఈ ఏడాది ‘క్రాక్’ సినిమాతో భారీ విజయాన్ని అందుకున్నాడు. ఇదే జోష్ లో వరుస సినిమాలను లైన్ లో పెడుతున్నాడు. ప్రస్తుతం రమేష్ వర్మ దర్శకత్వంలో ‘ఖిలాడి’ సినిమాలో నటిస్తోన్న ఈ హీరో రీసెంట్ గా ఓ కొత్త డైరెక్టర్ తో సినిమా చేయడానికి రెడీ అయ్యాడు. దీనికి సంబంధించిన పూజా కార్యక్రమాలు కూడా జరిగాయి. అలానే దర్శకుడు త్రినాథరావు నక్కిన కూడా లైన్ లో ఉన్నారు. తాజాగా మరో డైరెక్టర్ తో సినిమా చేయడానికి రవితేజ గ్రీన్ సిగ్నల్ ఇచ్చినట్లు వార్తలు వస్తున్నాయి.
గతంలో రవితేజ హీరోగా ‘షాక్’, ‘మిరపకాయ్’ లాంటి సినిమాలు తీసిన దర్శకుడు హరీష్ శంకర్.. ‘గబ్బర్ సింగ్’ సినిమాతో స్టార్ డైరెక్టర్ గా మారిపోయాడు. ఇప్పుడు పవన్ కళ్యాణ్ తో మరో సినిమా చేయబోతున్నాడు ఈ డైరెక్టర్. మైత్రి మూవీస్ బ్యానర్ పై ఈ సినిమా తెరకెక్కనుంది. అయితే ఈ సినిమా తరువాత హరీష్ శంకర్.. రవితేజతో ఓ సినిమా చేయడానికి ప్లాన్ చేస్తున్నాడు. నిజానికి ‘మిరపకాయ్’ సినిమా తరువాత రవితేజతో సినిమా చేయడానికి ప్రయత్నించాడు హరీష్ శంకర్.
కానీ కుదరలేదు. రీసెంట్ గా ఓ మాస్ కథను సిద్ధం చేసుకొని రవితేజకి వినిపించినట్లు తెలుస్తోంది. ఇద్దరి మధ్యా కథా చర్చలు జరిగినట్లు సమాచారం. రవితేజ బాడీ లాంగ్వేజ్ కి తగ్గట్లుగా.. మాస్, కమర్షియల్ కథను రాసుకున్నాడట హరీష్ శంకర్. ఈ కథ రవితేజకి నచ్చడంతో సినిమా చేయడానికి అంగీకరించాడట. ఈ ఏడాదిలోనే ఈ సినిమా మొదలయ్యే ఛాన్స్ ఉందని అంటున్నారు. మరి ఈసారి ఈ కాంబో ఎలాంటి సక్సెస్ ను అందుకుంటుందో చూడాలి!
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
