ఎన్నారై గా, అకౌంటెన్ట్ గా అందరికి లెక్కలు సరిచేస్తాడట..!

April 7, 2020 / 12:06 PM IST

ఇకప్పుడు మినిమమ్ గ్యారంటీ హీరోగా హిట్లు, యావరేజ్ లతో నెట్టుకొచ్చిన రవితేజకు వరుస పరాజయాలు ఎదురవుతున్నాయి. ఈ మధ్య కాలంలో రాజా ది గ్రేట్ సినిమా మాత్రమే ఓ మోస్తరుగా ఆడింది. ఆ చిత్రం తర్వాత ఆయన చేసిన నాలుగు సినిమాలు బాక్సాఫీస్ వద్ద బోల్తా కొట్టాయి. భారీ అంచనాల మధ్య విడుదలైన డిస్కో రాజా సైతం రవితేజకు హిట్ అందించలేకపోయింది. ఇక రవితేజ ఆశలన్నీ క్రాక్ పైనే పెట్టుకున్నాడు. దర్శకుడు గోపి చంద్ మలినేని తెరకెక్కిస్తున్న ఈ యాక్షన్ ఎంటర్టైనర్ లో రవితేజ పోలీస్ రోల్ చేస్తుండగా శృతి హాసన్ హీరోయిన్ గా చేస్తుంది.

గతంలో వీరి ముగ్గురి కాంబినేషన్ లో వచ్చిన బలుపు హిట్ అందుకుంది. కాగా కొద్దిరోజుల క్రితం రవి తేజ మరో కొత్త ప్రాజెక్ట్ ప్రకటించారు. రమేష్ వర్మ దర్శకత్వంలో ఓ మూవీ ఆయన చేయనున్నారు. ప్రస్తుతం ప్రీ ప్రొడక్షన్ పనులు జరుపుకుంటున్న ఈ చిత్రం త్వరలో సెట్స్ పైకి వెళ్లనుంది. ఈ చిత్రంలో రవితేజ డ్యూయల్ రోల్ చేస్తున్నారు. కాగా ఆ రెండింటిలో ఓ పాత్రలో రిచ్ ఎన్నారై లా కనిపిస్తాడట. మరి రోల్ నందు ఆయన చార్టెడ్ అకౌంట్ లా కనిపిస్తారని తెలుస్తుంది.

Ravi Teja taking more care on Krack Movie1

రెండు భిన్న గెటప్స్ లో రవి తేజ తన మార్క్ నటనతో అలరించనున్నారట. ఎన్నారైకి ఈ చార్టెడ్ అకౌంటెంట్ కి ఉన్న సంబంధం ఏమిటీ? అనేది కధలో కీలక మలుపు అని వినికిడి. ఎమోషన్స్, యాక్షన్ అండ్ హ్యూమర్ వంటి అంశాలతో ఆసక్తికరంగా ఈ మూవీ తెరకెక్కనుందని సమాచారం. గతంలో రమేష్ వర్మ తో రవితేజ వీర అనే సినిమా చేశారు. ఆ సినిమా అంతగా ఆడలేదు. అయినప్పటికీ రవితేజ మరోమారు రమేష్ వర్మకు అవకాశం ఇచ్చారు.