ఒకప్పుడు హీరో సిద్ధంగా ఉన్నా… కథలు, దర్శకులు సిద్ధమవ్వడానికి చాలా సమయం పట్టేది. అందుకే ఒక సినిమాకు, ఇంకో సినిమాకు మధ్య గ్యాప్‌ ఎక్కువగా ఉండేది. అయితే కరోనా తీసుకొచ్చి మార్పో, ఇంకొకటో కానీ… ఇప్పుడు హీరోలు వరుసగా సినిమాలు ఓకే చేసేస్తున్నారు. అలాంటి హీరోల్లో ప్రభాస్‌ ఒకరు. ప్రభాస్‌ నెక్స్ట్‌ సినిమాల లైనప్‌ చూస్తే… ఈ విషయం మనకు స్పష్టంగా అర్థమవుతోంది. అయితే ఈలైనప్‌లో మరో దర్శకుడు కూడా కలిశారట.
బాలీవుడ్‌లో మాస్ మసాలా దర్శకుల్లో రోహిత్‌ శెట్టి ప్రముఖుడు అనే చెప్పాలి. ఆయన సినిమాలు ఆల్ మిక్సర్‌లా కనిపించినా… అందులో హీరోయిజం, మాస్ ఎలిమెంట్స్‌ పుష్కలంగా ఉంటాయి. ఆ దర్శకుడు ఇటీవల ప్రభాస్‌కు ఓ కథ చెప్పారని సమాచారం. దీనికి ప్రభాస్‌ కూడా ఓకే చెప్పాడట. ప్రస్తుతం రోహిత్‌ శెట్టి ఆ కథను పూర్తి స్థాయిలో సిద్ధం చేసే పనిలో ఉన్నారట. అగ్ర నిర్మాణ సంస్థ ఈ సినిమాను నిర్మిస్తుందట.
ప్రభాస్‌ లైనప్‌ చూస్తే… ఇప్పుడు ‘రాధేశ్యామ్‌’ విడుదలకు రెడీగా ఉంది. ఆ తర్వాత ‘సలార్‌’, ‘ఆదిపురుష్‌’, ‘ప్రాజెక్ట్‌ కె’ (వర్కింగ్‌ టైటిల్) ఉన్నాయి. ఇవి కాకుండా ప్రభాస్‌ మరికొంతమందికి ఓకే చెప్పాడట. ఆ లిస్ట్‌లో ప్రశాంత్‌ నీల్‌తో మరో సినిమా, సుజీత్‌, సిద్ధార్థ్‌ ఆనంద్‌ లాంటివాళ్లు ఉన్నారు. మరి రోహిత్‌ శెట్టి ఈ లిస్ట్‌లో ఆఖరున నిలబడతాడా… లేక కొంతమందిని దాటుకొని ముందుకొస్తాడా అనేది చూడాలి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
