మన తెలుగు హీరోయిన్లందరి జాతకం ఒకేలా ఉందా లేక నిజంగానే మన తెలుగోళ్ళకి తెలుగు హీరోయిన్లు నచ్చరో తెలియదు కానీ.. మన తెలుగమ్మాయిలకు తెలుగులోకంటే పరాయి భాషల్లోనే మంచి ఆఫర్లు వస్తుంటాయి. అంజలి మొదలుకొని రీసెంట్ బ్యూటీ ఈషా రెబ్బా వరకూ తెలుగులో ఆఫర్లు కోసం వెయిట్ చేసి చేసి ఇక్కడ ఆఫర్లు రావని గ్రహించి తమిళ చిత్రసీమకి వెళ్ళి సెటిల్ అయినవాళ్లే.
పాపం “అరవింద సమేత వీరరాఘవ” లాంటి హిట్ తర్వాత కూడా ఈషా రెబ్బాకి ఎందుకో పెద్దగా ఆఫర్లు లభించలేదు. నిజానికి అరవింద సమేతలో నటించడానికి ముందే అమ్మడు చిన్న లేదా మీడియం సినిమాలు వరుసబెట్టి చేసుకుంటూ వెళ్లింది. అలాంటిది ఈమధ్యకాలంలో అమ్మడికి ఒక్కటంటే ఒక్క సరైన ఆఫర్ కూడా రాలేదు. దాంతో అమ్మడు ప్రస్తుతానికి చెన్నైకి షిఫ్ట్ అయిపోయింది. అక్కడ ఆల్రెడీ రెండు సినిమాలు సైన్ చేసింది. మరి అక్కడ పాపులారిటీ వచ్చాకైనా ఈషాను మన తెలుగు దర్శకనిర్మాతలు పట్టించుకొంటారో లేదో చూడాలి.
