పవన్‌ కల్యాణ్‌ నెక్స్ట్‌ సినిమా ఏంటి? గత కొన్ని రోజులుగా అభిమానులను వేధిస్తున్న ప్రశ్న ఇది. సెట్స్‌ మీద ‘హరి హర వీరమల్లు’ అనే సినిమా ఉంది. ఆ తర్వాత ‘భవదీయుడు భగత్‌ సింగ్‌’ చేయాలి అని గతంలోనే పవన్‌ కల్యాణ్‌ టీమ్‌ నుండి సమాచారం వచ్చింది. కానీ వేరే వేరే సినిమాల ప్రకటనలు, పుకార్లతో చాలా సమస్యలు వచ్చాయి. అనుకున్న లైనప్‌ కాకుండా పవన్‌ వేరే ఆలోచన చేస్తున్నారని ఆ పుకార్ల సారాంశం. దీంతో లైనప్‌లో పవన్‌ ఓ సినిమా వదులుకుంటారని కూడా అన్నారు. తాజాగా దీనిపై చిన్నపాటి క్లారిటీ వచ్చిందనుకోవచ్చు.
మైత్రీ మూవీ మేకర్స్‌ నిర్మాతలు, దర్శకుడు హరీశ్‌ శంకర్‌ ఇటీవల పవన్‌ కల్యాణ్‌ను కలిశారు. దీనికి సంబంధించిన ఫొటోలను చిత్రబృందం విడుదల చేసింది. అంతేకాదు త్వరలో సినిమా షూటింగ్‌ ప్రారంభిస్తాం అని కూడా ట్వీట్‌ చేసింది. ఈసారి బద్దలు బాషింగాలే అంటూ పంచ్‌లైన్‌ కూడా పెట్టింది. కాబట్టి ఈ సినిమా త్వరలో ప్రారంభమవుతుంది అని చెప్పకనే చెప్పారు. అలాగే 8వ తేదీ నుండి ‘హరి హర వీరమల్లు’ సినిమా షూట్‌ మొదలైంది.
ఈ లెక్కన పవన్‌ లైనప్‌లో పెద్దగా మార్పులు లేవని చెప్పుకోవచ్చు. ఇటీవల వరకు వస్తున్న పుకార్ల గురించి ఇక పట్టించుకోనక్కర్లేదు. తమిళ సినిమా ‘వినోదాయ సీతాం’ సినిమాను పవన్‌ రీమేక్‌ చేస్తున్నారని వార్తలొచ్చాయి. సాయిధరమ్‌ తేజ్‌ ఓ ప్రధాన పాత్రధారిగా ఈ సినిమా ఉంటుంది అని కూడా చెప్పారు. మరోవైపు వేణు ఉడుగుల సినిమా కూడా పవన్‌ చేయాలని అనుకుంటున్నారని ఆ పుకార్ల సారాంశం. ఈ నేపథ్యంలో పవన్‌ ఓ సినిమా వదిలేస్తాడని అన్నారు.
అలా సినిమా వదిలేయాల్సి వస్తే సురేందర్‌ రెడ్డి – రామ్‌ తాళ్లూరి సినిమా పక్కన పెడతారని, ఇంకా అవసరమైతే ‘భవదీయుడు భగత్‌సింగ్‌’ను కూడా పక్కనపెడతారని అన్నారు. అయితే తాజా క్లారిటీతో పవన్‌ సినిమాల లైనప్‌ అలానే ఉంటుందని, కొత్త సినిమాలేవీ మధ్యలోకి రావడం లేదని చెప్పొచ్చు. అయితే మరో మాట కూడా వినిపిస్తోంది. ‘భవదీయుడు భగత్‌ సింగ్‌’ తర్వాత ‘వినోదాయ సీతాం’ చేశాకనే సురేందర్‌ రెడ్డి సినిమా ఉంటుందని. చూద్దాం ఏమవుతుందో.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
