పవర్ స్టార్ పవన్ కళ్యాణ్, రానా కలిసి నటించిన భీమ్లా నాయక్ ఫస్ట్ వీకెండ్ లో 100 కోట్ల రూపాయలకు పైగా గ్రాస్ కలెక్షన్లను సొంతం చేసుకోవడం గమనార్హం. దర్శకుడు సాగర్ కె చంద్ర పవన్ కళ్యాణ్ ను బాగా చూపించారని ప్రశంసలు వచ్చాయి. అయ్యారే, అప్పట్లో ఒకడుండేవాడు సినిమాలతో కమర్షియల్ సక్సెస్ అందుకోని సాగర్ కె చంద్ర ఈ సినిమాతో మాత్రం భారీ బ్లాక్ బస్టర్ హిట్ ను ఖాతాలో వేసుకున్నారు.
భీమ్లా నాయక్ ప్రమోషన్స్ లో భాగంగా ఇంటర్వ్యూలు ఇస్తున్న సాగర్ కె చంద్ర ఫస్ట్ లాక్ డౌన్ అమలవుతున్న సమయంలో నిర్మాత నాగవంశీ అయ్యప్పనుమ్ కోషియమ్ సినిమా గురించి మాట్లాడి తన అభిప్రాయం చెప్పమన్నారని ఆ తర్వాత కొన్నిరోజులకు ఫోన్ చేసి అయ్యప్పనుమ్ కోషియమ్ మూవీని రీమేక్ చేయాలని అనుకుంటున్నామని తనకు ఆసక్తి ఉందా అని నాగవంశీ అడిగారని సాగర్ తెలిపారు. తాను ఓకే చెప్పిన తర్వాత త్రివిక్రమ్ తో కలిసి ప్రయాణం మొదలైందని సాగర్ అన్నారు.
పవన్ తో ప్రాజెక్ట్ అని తెలిసిన వెంటనే గొప్ప అనుభూతి కలిగిందని సాగర్ వెల్లడించారు. త్రివిక్రమ్ గారు భీమ్లా నాయక్ రీమేక్ హక్కులు మరొకరు తీసుకోవాలి అనేలా పని చేయాలని చెప్పారని సాగర్ అన్నారు. తెలుగు ప్రేక్షకులకు ఏ సన్నివేశాలు అవసరమో ఆ సన్నివేశాలను మాత్రమే పెట్టామని సాగర్ పేర్కొన్నారు. వకీల్ సాబ్ కోర్టు సీన్ షూట్ సమయంలో తాను పవన్ ను కలిశానని ఆయన “బాగా తీయ్‌.. బాధ్యతగా పని చేయ్‌” అని పవన్ అన్నారని సాగర్ చెప్పుకొచ్చారు.
ఇద్దరు స్టార్ హీరోలతో కలిసి పని చేయడం యుద్ధంలా ఉంటుందని సాగర్ వెల్లడించారు. త్రివిక్రమ్ సహకారం లేకపోతే భీమ్లా నాయక్ ఈ స్థాయి హిట్టయ్యేది కాదని సాగర్ కె చంద్ర చెప్పుకొచ్చారు. భీమ్లా నాయక్ సినిమా వల్ల వచ్చిన పేరు, గుర్తింపు తనకు ఆనందాన్ని కలిగించాయని సాగర్ కె చంద్ర పేర్కొన్నారు.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
