పవన్ అభిమానులకు కరోనా భయం..వాటికి దూరంగా ఉండమంటూ రిక్వెస్ట్..!

November 10, 2020 / 01:18 PM IST

మెగా అభిమానులకు కూడా ఇప్పుడు కరోనా భయం పట్టుకుంది. మొన్నటికి మొన్న మెగా బ్రదర్ నాగబాబు కరోనా భారిన పడ్డారు. త్వరగానే కోలుకున్నారు లెండి. ఇక తాజాగా మెగాస్టార్ చిరంజీవి కూడా కరోనా భారిన పడినట్టు ఆయనే స్వయంగా ప్రకటించారు. కరోనా లక్షణాలు లేకపోయినప్పటికీ.. ‘ఆచార్య’ చిత్రం కోసం టెస్ట్ చేయించుకోగా… రిజల్ట్ లో పాజిటివ్ అని తేలడంతో చిరు ప్రస్తుతం హోమ్ క్వారెంటైన్లో ఉంటూ ట్రీట్మెంట్ తీసుకుంటున్నారు. ఈ నేపథ్యంలో పవర్ స్టార్ పవన్ కళ్యాణ్ ఫ్యాన్స్ కూడా కంగారు పడుతున్నట్టు తాజా సమాచారం.

చాతుర్మాస దీక్ష పూర్తయిన నేపథ్యంలో ఇప్పుడు షూటింగ్లలో పాల్గొనడానికి ఆయన బయటకు వస్తున్నారు. మొన్ననే హైదరాబాద్ మెట్రో ట్రైన్లో పవన్ హల్ చల్ చేసాడు. ఇక రాజకీయాల పరంగా కూడా పలువురు పెద్దలను పవన్ కలుస్తున్నారని సమాచారం. అందుకే పవన్ కళ్యాణ్ అభిమానులు టెన్షన్ పడుతూ.. జాగ్రత్తగా ఉండమని సోషల్ మీడియా ద్వారా ఆయనకి రిక్వెస్ట్ లు పెడుతున్నారు. ‘అవసరమైతే సినిమాలకు అలాగే రాజకీయాలకు దూరంగా ఉండాలని’ వారు కోరుతున్నారు.

Three Pawan Kalyan fans no more of electric shock1

గతేడాది ఎన్నికల టైములో పవన్ కళ్యాణ్ పై డీ హైడ్రేషన్ ఎఫెక్ట్ పడిన సంగతి తెలిసిందే. ఆ టైములో కూడా పవన్ ఫ్యాన్స్ చాలా టెన్షన్ పడ్డారు. ఇక సినిమాల విషయానికి వస్తే.. ‘వకీల్ సాబ్’ పూర్తయిన వెంటనే.. ‘అయ్యప్పనుమ్ కోషియమ్’ రీమేక్ లో నటించడానికి పవన్ రెడీ అవుతున్నారు.