Pawan Kalyan: పవన్ గ్రేట్ అంటున్న పచ్చళ్ల ప్రకాష్.. ఏం జరిగిందంటే?
March 27, 2023 / 10:52 AM IST
|Follow Us
పవర్ స్టార్ పవన్ కళ్యాణ్ (Pawan Kalyan) కు ఊహించని రేంజ్ లో ఫ్యాన్ ఫాలోయింగ్ ఉండగా పవన్ కళ్యాణ్ సేవా గుణం గురించి కూడా ఇండస్ట్రీలో చాలామంది కథలుకథలుగా చెప్పుకుంటారు. అయితే వేర్వేరు సందర్భాల్లో పవన్ తనకు ఏకంగా 60 లక్షల రూపాయలు సాయం చేశాడని పచ్చళ్ల ప్రకాష్ కామెంట్లు చేశారు. ఈ విషయంలో పవన్ కళ్యాణ్ గ్రేట్ అని నెటిజన్ల నుంచి కామెంట్లు వ్యక్తమవుతున్నాయి. పవన్ కళ్యాణ్ ఎంతోమందికి సహాయం చేస్తారని అయితే చేసిన సహాయాన్ని పవన్ చెప్పుకోరని ఆయన చెప్పుకొచ్చారు.
పవన్ కళ్యాణ్ ప్రస్తుతం వరుస ప్రాజెక్ట్ లతో బిజీగా ఉండగా వినోదాయ సిత్తం రీమేక్ మొదట విడుదల కానున్న సంగతి తెలిసిందే. హరిహర వీరమల్లు కుదిరితే దసరాకు విడుదలవుతుందని లేదంటే 2024 సంక్రాంతి మాత్రమే ఈ సినిమాకు ఉన్న ఆప్షన్ అని కామెంట్లు వినిపిస్తున్నాయి. ఈ రెండు సినిమాలు భారీ బడ్జెట్ తో తెరకెక్కుతున్నాయి. పవన్ రోజుకు 2 కోట్ల రూపాయల పారితోషికం తీసుకుంటున్నానని చెప్పగా రాబోయే రోజుల్లో మాత్రం పవన్ రెమ్యునరేషన్ దిమ్మతిరిగే స్థాయిలో పెరిగే అవకాశాలు అయితే ఉన్నాయని కామెంట్లు వ్యక్తమవుతున్నాయి.
పవన్ కళ్యాణ్ భిన్నమైన కథలను ఎంచుకోవడం ద్వారా వరుస విజయాలు అందుకుంటున్నారు. భీమ్లా నాయక్, వకీల్ సాబ్ సినిమాలు నిర్మాతలకు చెప్పుకోదగ్గ స్థాయిలో లాభాలను అందిస్తున్నాయి. సెకండ్ ఇన్నింగ్స్ లో పవన్ ఎక్కువగా రీమేక్ సినిమాలలో నటిస్తున్నారు. ఈ సినిమాలు భారీ బడ్జెట్ తో తెరకెక్కుతుండగా కొన్ని సినిమాలు పాన్ ఇండియా రేంజ్ లో రిలీజ్ కానున్నాయి.
పవన్ కొత్త సినిమాలు ఏ రేంజ్ లో ఫ్యాన్స్ ను అలరిస్తాయో చూడాలి ఈ ఏడాదే పవన్ నటిస్తున్న రెండు సినిమాలు థియేటర్లలో రిలీజ్ కానున్నాయి. పవన్ త్వరలో కొత్త ప్రాజెక్ట్ లను ప్రకటిస్తారని వార్తలు వినిపిస్తున్నాయి. పవన్ ఇతర భాషల డైరెక్టర్లకు సైతం ప్రాధాన్యత ఇస్తుండటం గమనార్హం.