పవన్ కళ్యాణ్ ఇప్పటివరకూ ఎలాంటి వింత స్టేట్ మెంట్స్ చేసినా పోన్లే ఏదో తెలియనితనం అని ఎవరూ పెద్దగా పట్టించుకోలేదు. కానీ.. డల్లాస్ లో పవన్ కళ్యాణ్ “భగత్ సింగ్ ఆత్మహత్య చేసుకున్నాడు” అని చెబుతూ బాధపడడాన్ని మాత్రం ఆయన వీరాభిమానులు కూడా సహించుకోలేకపోతున్నారు. స్వాతంత్రం కోసం బ్రిటీష్ ప్రభుత్వానికి ఎదురెల్లి రొమ్ము విరిచిన వీరుడు భగత్ సింగ్.. అనంతరం ఆయన్ని 23 ఏళ్లకే ఊరి తీశారు. ఇది ప్రతి భారతీయుడికి తెలిసిన విషయం.
అలాంటిది పవన్ కళ్యాణ్ “భగత్ సింగ్ ది ఆత్మహత్య” అని పేర్కొనడం హాస్యాస్పదం అయ్యింది. అసలే పవన్ కళ్యాణ్ ఎప్పుడు తప్పు చేస్తాడా అని ఎదురుచూస్తున్న యాంటీ ఫ్యాన్స్ తోపాటు రాజకీయపరమైన శత్రువులు కూడా పవన్ కళ్యాణ్ ను ఎద్దేవా చేయడం మొదలెట్టారు. పవన్ కళ్యాణ్ ఇకనైనా తాను మాట్లాడే విషయాల గురించి ముందుగా కాస్త పరిశీలించడం మంచిది. లేదంటే.. ఇలాగే నవ్వులపాలవుతాడు. ఈ విషయంలో పవన్ కళ్యాణ్ కంటే ఆయన అభిమానులు ఎక్కువగా బాధపడుతున్నారు
