పవర్ స్టార్ పవన్ కళ్యాణ్ రీఎంట్రీలో వరుస విజయాలను సొంతం చేసుకుంటున్న సంగతి తెలిసిందే. వకీల్ సాబ్, భీమ్లా నాయక్ సినిమాలు ఏపీలో అనుకున్న స్థాయిలో కలెక్షన్లను సాధించకపోయినా ఇతర ఏరియాల్లో మాత్రం రికార్డులు క్రియేట్ చేశాయి. పవన్ కళ్యాణ్ వరుసగా రీమేక్ సినిమాలలో నటిస్తున్నా ఆ సినిమాలతో విజయాలను సొంతం చేసుకోవడం గమనార్హం. అయితే ఒక విషయంలో మాత్రం పవన్ దృష్టి పెడితే పవన్ సినిమాల ఫలితాలు మరింత మెరుగ్గా ఉంటాయి.
స్టార్ హీరో పవన్ కళ్యాణ్ ఈ మధ్య కాలంలో తన సినిమాల ప్రీ రిలీజ్ ఈవెంట్లలో పాల్గొంటున్నా సినిమాల ప్రమోషన్స్ పై మాత్రం పెద్దగా దృష్టి పెట్టడం లేదు. ఫలితంగా ఫస్ట్ వీకెండ్ తర్వాత కలెక్షన్లపై ఆ ప్రభావం పడుతోంది. పెద్ద సినిమాలు విడుదలైన తర్వాత ప్రమోషన్స్ సరిగ్గా లేకపోతే ప్రేక్షకులకు సైతం సినిమాపై ఆసక్తి తగ్గుతుందనే సంగతి తెలిసిందే. పవన్ నటించిన భీమ్లా నాయక్ ఓటీటీలో అందుబాటులోకి వచ్చింది.
ఆహా ఓటీటీలో, డిస్నీ ప్లస్ హాట్ స్టార్ లో ఈ సినిమా ప్రేక్షకులకు అందుబాటులోకి వచ్చింది. ఓటీటీలలో ఈ సినిమాకు రికార్డు స్థాయిలో వ్యూస్ వస్తున్నాయని తెలుస్తోంది. అయితే ఒకే ఓటీటీలో భీమ్లా నాయక్ విడుదలై ఉంటే మాత్రం వ్యూస్ విషయంలో రికార్డులు క్రియేట్ అయ్యేవని ఫ్యాన్స్ కామెంట్లు చేస్తున్నారు. పవన్ తన తర్వాత సినిమాల ప్రమోషన్స్ విషయంలో జాగ్రత్త వహించాల్సి ఉంది. పవన్ ప్రస్తుతం హరిహర వీరమల్లు సినిమాలో నటిస్తుండగా ఈ సినిమా ఈ ఏడాదే థియేటర్లలో విడుదల కానుంది.
క్రిష్ డైరెక్షన్ లో ఏఎం రత్నం నిర్మాతగా ఈ సినిమా తెరకెక్కుతోంది. ఈ సినిమా పాన్ ఇండియా మూవీ కావడం గమనార్హం. భారీ బడ్జెట్ తో తెరకెక్కిన ఈ సినిమా ఇప్పటికే 50 శాతం షూటింగ్ ను పూర్తి చేసుకుంది. బాక్సాఫీస్ వద్ద ఈ సినిమా రికార్డులు క్రియేట్ చేస్తుందని పవన్ ఫ్యాన్స్ భావిస్తున్నారు.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
