అన్నయ్య చిరంజీవి పేరులో శంకర్ ను కొడుక్కి పెట్టిన పవన్..!

ఎవ్వరు ఎన్ని చెప్పినా పవన్ కళ్యాణ్ కు అన్నయ్యంటే ప్రాణం. ఇప్పటికే తనకు అన్నయ్య అంటే ఎలాంటి ఇష్టమో పలు మార్లు సభాముఖంగా కూడా కొన్ని పదుల సార్లు చెప్పాడు. రీసెంట్‌గా పవన్ కళ్యాణ్‌కి మరో వారసుడు జన్మించిన విషయం తెలిసిందే. పవన్, అన్న లెజ్నోవా లకు మొదటి సంతానంగా పాప పుట్టగా, రెండో సంతానంగా ఇటీవలే బాబు పుట్టాడు. పవన్ కళ్యాణ్ తన కొడుకును ఎత్తుకుని ఉన్న ఫోటో సోషల్ మీడియాలో టాప్ ట్రెండింగ్ అయింది. త్రివిక్రమ్ సినిమా షూటింగ్ లో బిజీ గా ఉన్న పవన్ కళ్యాన్ కొడుకు పుట్టగానే పడిన ఆనందం చెప్పనక్కర్లేదు. ఇది ఇలా ఉంటే పవన్ కొడుకు పేరు ఏంటన్న దానిపై సర్వత్రా ఆసక్తి రేపింది. పవన్ కళ్యాణ్ హిందూ, ఆయన భార్య అన్నా లెజెనివా క్రిస్టియన్ కావడంతో వారికి పుట్టిన బిడ్డకు ఏ సాంప్రదాయం ప్రకారం పేరు పెడతారో అంటూ రకరకాలుగా చర్చించుకున్నారు.

భార్య క్రిస్టియన్ కాబట్టి , కొడుక్కి ఆమె కోరిక మీద క్రిస్టియన్ పేరు మాత్రమే పెడతారని అందరూ అనుకున్నారు. అయితే పవన్ కళ్యాన్ తన కొడుక్కి ఇద్దరికీ ఇష్టమయ్యే విధంగా ”మార్క్ శంకర్ పవనోవిచ్”. తన భార్య ఇష్టానుసారం మార్క్ అని, అన్నయ్య చిరంజీవి అసలు పేరు శివ శంకర వర ప్రసాద్ నుండి శంకర్ తీసుకుని, రష్యన్ పేరు వచ్చేల, తండ్రిపేరు కలిపి పవనోవిచ్ అని పేరు పెట్టాడు. మార్కిజం ను నమ్మిన వ్యక్తి…అన్నయ్య శంకర్ అంటే ప్రాణం పెట్టె తమ్ముడు…సతీమణి జాతీయతను గౌరవించే భర్త…ఈ దంపతులకు మొదటి సంతానంగా పాప జన్మించగా ఆమెకు ‘అంజనా పవనోవ’ (పోలెనా) అని పేరు పెట్టారు. మరోపక్క పవన్‌, రేణూ దంపతుల పిల్లలకు అకీరా నందన్‌, ఆద్యా అనే పేర్లు పెట్టిన సంగతి తెలిసిందే.