Pawan Kalyan: ఆ రీమేక్ కు నో చెప్పిన పవన్.. ఏమైందంటే?
July 13, 2022 / 05:18 PM IST
|Follow Us
పవర్ స్టార్ పవన్ కళ్యాణ్ కు ప్రేక్షకుల్లో ఊహించని స్థాయిలో క్రేజ్ ఉంది. రీఎంట్రీలో వరుస సినిమాలకు గ్రీన్ సిగ్నల్ ఇస్తున్న పవన్ కళ్యాణ్ స్ట్రెయిట్ సినిమాలతో పాటు, రీమేక్ సినిమాలలో కూడా నటిస్తుండటం గమనార్హం. రీఎంట్రీలో పవన్ కళ్యాణ్ నటించిన వకీల్ సాబ్, భీమ్లా నాయక్ రీమేక్ సినిమాలు అయినప్పటికీ ఈ సినిమాలు పవన్ కళ్యాణ్ అభిమానులకు ఎంతగానో నచ్చాయనే సంగతి తెలిసిందే. పవన్ త్వరలో వినోదాయ సిత్తం రీమేక్ లో నటించనున్నారు.
ఈ సినిమాపై ప్రేక్షకుల్లో మంచి అంచనాలు నెలకొనగా సముద్రఖని ఈ సినిమాకు దర్శకత్వం వహించనున్నారు. అయితే పవన్ కళ్యాణ్ తేరి రీమేక్ లో నటిస్తాడని గతంలో వార్తలు ప్రచారంలోకి వచ్చాయి. తేరి ఇప్పటికే తెలుగులో డబ్ అయిన సినిమా కావడంతో ఈ ప్రాజెక్ట్ విషయంలో పవన్ ఫ్యాన్స్ నుంచి సైతం నెగిటివ్ కామెంట్లు వ్యక్తమవుతున్నాయి. అయితే తాజాగా పవన్ కళ్యాణ్ ఈ రీమేక్ కు నో చెప్పారని ఇండస్ట్రీ వర్గాల్లో వినిపిస్తోంది.
సుజిత్ డైరెక్షన్ లో పవన్ చేయాలని అనుకున్న ఈ సినిమా తెరకెక్కే అవకాశాలు దాదాపుగా లేవని ఇండస్ట్రీ వర్గాల్లో వినిపిస్తుండటం గమనార్హం. 2024 ఎన్నికలకు మరో 20 నెలల సమయం మాత్రమే ఉండటంతో పవన్ కళ్యాణ్ వేగంగా సినిమాలలో నటించడానికి ప్రాధాన్యతనిస్తున్నారు. పవన్ చేతిలో ప్రస్తుతం మూడు సినిమాలు ఉన్నాయి. వచ్చే ఏడాది చివరినాటికి పవన్ గ్రీన్ సిగ్నల్ ఇచ్చిన మూడు ప్రాజెక్ట్ లు పూర్తయ్యే అవకాశం అయితే ఉంది.
రాబోయే 17 నెలలలో పవన్ నటించిన మూడు సినిమాలు రిలీజయ్యే అవకాశం ఉండటం పవన్ అభిమానులకు సైతం ఎంతగానో సంతోషాన్ని కలిగిస్తోంది. సినిమాసినిమాకు పవన్ కళ్యాణ్ కు క్రేజ్ పెరుగుతుండగా తర్వాత ప్రాజెక్ట్ లతో పవన్ విజయాలను అందుకోవాలని ఫ్యాన్స్ కోరుకుంటున్నారు. పవన్ కళ్యాణ్ ఒక్కో సినిమాకు 50 నుంచి 60 కోట్ల రూపాయల రేంజ్ లో రెమ్యునరేషన్ తీసుకుంటున్నారు.