పవర్ స్టార్ పవన్ కళ్యాణ్, మాటల మాంత్రికుడు త్రివిక్రమ్ శ్రీనివాస్ ల కాంబినేషన్ కు ఎంతో క్రేజ్ ఉంది. తొలిసారి వీరిద్దరూ జల్సా ద్వారా ప్రేక్షకులను పలకరించారు. విజయం అందుకున్నారు. రెండోసారి వీరి కాంబినేషన్ లో వచ్చిన సినిమా అత్తారింటికి దారేది టాలీవుడ్ కలక్షన్ల రికార్డులను తిరగ రాసింది. పవన్, త్రివిక్రమ్ కాంబినేషన్ హ్యాట్రిక్ విజయం అందుకోవడానికి ముహూర్తం సిద్ధమైంది.
పవర్ స్టార్ ప్రస్తుతం తమిళం లో సూపర్ హిట్ సాధించించిన “అజయ్ వీరమ్” చిత్రాన్ని”హుషారు”గా రీమేక్ చేయనున్నారు. ఈ చిత్రం షూటింగ్ జులై నుంచి మొదలుకానుంది. గోపాల గోపాల దర్శకుడు డాలి ఈ చిత్రాన్నిఅక్టోబర్ నాటికి పూర్తి చేయనున్నారు. రెస్ట్ తీసుకోకుండా వెంటనే నవంబర్ నుంచి త్రివిక్రమ్ దర్శకత్వంలో నటించేందుకు పవన్ ప్లాన్ చేస్తున్నారు.
ఈ రెండు సినిమాల నిర్మాణ బాధ్యతలు శరత్ మరార్ స్వీకరించారు. నటీనటులు, టెక్నీషియన్ల వివరాలు త్వరలో వెలువడనుంది. త్రివిక్రమ్ తో పవన్ మళ్లీ సినిమా చేయనున్న సంగతి తెలుసుకున్న అభిమానులు ఆనందం వ్యక్తం చేస్తున్నారు. వారిద్దరి కాంబినేషన్లో రానున్న సినిమా సూపర్ హిట్ అవుతుందని చెబుతున్నారు.
