2021 లో తలబడనున్న బడా స్టార్ హీరోలు..!

March 20, 2020 / 08:17 PM IST

ప్రస్తుతం చాలా సినిమాల షూటింగ్ లు నిలిచిపోయాయి. అందుకు తగిన కారణం అందరికీ తెలిసిందే. ఈ పరిస్థితి ఎన్నాళ్ళు ఉంటుందనేది ఎవ్వరికీ అంతుచిక్కడం లేదు. దీంతో తిరిగి షూటింగ్ లు మొదలు పెట్టినా.. అవి ఎప్పటికి పూర్తవుతాయి అనేది పెద్ద ప్రశ్న అని చెప్పాలి. దీంతో ఇప్పటికే ఫిక్స్ చేసుకున్న విడుదల తేదీలను రెండేసి నెలలు వెనక్కి జరుపుతున్నట్టు సమాచారం. దీంతో ఇద్దరు బడా హీరోల సినిమాలు ఓకే సమయానికి విడుదల ప్లాన్ చేసుకుంటున్నాయని సమాచారం. ఆ ఇద్దరు బడా హీరోలు మరెవరో కాదు .. ఒకరు పవర్ స్టార్ పవన్ కళ్యాణ్ మరొకరు యంగ్ రెబల్ స్టార్ ప్రభాస్. వీళ్ళిద్దరి సినిమాలు ఒకే టైములో తలబడనున్నాయనేది తాజా సమాచారం.

Pawan Kalyan vs Prabhas in 2021-N

ప్రస్తుతం పవన్ ‘వకీల్ సాబ్’ తో పాటు క్రిష్ డైరెక్షన్లో ‘విరూపాక్షి'(వర్కింగ్ టైటిల్) అనే చిత్రం చేస్తున్నాడు. ఈ చిత్రంలో పవన్ ఓ బందిపోటుగా కనిపించబోతున్నాడట. ఈ చిత్రాన్ని పాన్ ఇండియా లెవెల్లో విడుదల చేయడానికి సన్నాహాలు జరుగుతున్నట్టు సమాచారం. ఇక మరోపక్క రెబల్ స్టార్ ప్రభాస్ 20 వ చిత్రం కూడా పాన్ ఇండియా లెవెల్లోనే రూపొందతోంది. ఈ చిత్రాన్ని మొదట అక్టోబర్, నవంబర్ లో విడుదల చెయ్యాలని భావించారు దర్శక నిర్మాతలు. కానీ ఇప్పుడున్న పరిస్థితులను బట్టి ఈ చిత్రాన్ని 2021 కి పోస్ట్ పోన్ చేసే ప్రయత్నాలు జరుగుతున్నాయట. జనవరి నుండీ మార్చి వరకూ ‘ఆర్.ఆర్.ఆర్’ ప్రభావం ఉంటుంది కాబట్టి.. ఇక సమ్మర్ కే ఈ రెండు చిత్రాలు విడుదలయ్యే అవకాశం ఉంటుంది . మరి మార్చిలో వస్తాయా లేక ఏప్రిల్ లో వస్తాయా అనేది తెలియాల్సి ఉంది. ఒకవేళ ‘ఆర్.ఆర్.ఆర్’ మళ్ళీ వాయిదా పడితే.. ఈ రెండు చిత్రాలు విడుదలయ్యే అవకాశం ఉంటుంది. మరి ఏం జరుగుతుందో చూడాలి..!