టాలీవుడ్ స్టార్ హీరో పవర్ స్టార్ పవన్ కళ్యాణ్ వరుస సినిమాలను లైన్ లో పెడుతున్నారు. ఆయన ఒప్పుకున్న సినిమాలన్నీ నత్తనడక షూటింగ్ జరుపుకుంటున్నాయి. ‘వకీల్ సాబ్’, ‘భీమ్లానాయక్’ సినిమాల విషయంలో కూడా ఇదే జరిగింది. పవన్ రాజకీయాల కమిట్మెంట్స్ కారణంగా బ్రేకులిస్తూ ఈ సినిమా షూటింగ్స్ ను పూర్తి చేశారు. ఇప్పుడు ఆయన నటిస్తోన్న కొత్త సినిమాలకు కూడా ఇదే పరిస్థితి కలుగుతోంది. పవన్ ప్రస్తుతం క్రిష్ దర్శకత్వంలో ‘హరిహర వీరమల్లు’ అనే సినిమాలో నటిస్తున్నారు.
ఇదొక భారీ బడ్జెట్ పీరియాడికల్ సినిమా. దీనికోసం ఎక్కువ డేట్స్ ను కేటాయించాల్సి ఉంటుంది. కానీ పవన్ మాత్రం అడ్జస్ట్ చేయలేకపోతున్నారు. ఎలెక్షన్స్ దగ్గర పడుతుండడంతో పవన్ మరింత బిజీగా ఉంటున్నారు. దీంతో సినిమా వ్యయం రోజురోజుకి పెరిగిపోతుంది. నిర్మాతపై వడ్డీ భారం పెరిగిపోతుంది. ఈ విషయం అర్ధం చేసుకున్న పవన్ ఇప్పుడొక డెసిషన్ తీసుకున్నట్లు తెలుస్తోంది. వీలైనన్ని ఎక్కువ డేట్లు ఇచ్చి మొదట ‘హరిహర వీరమల్లు’ని పూర్తి చేయాలనుకుంటున్నారు.
ఇటీవలే ఈ సినిమా షూటింగ్ ను మొదలుపెట్టారు. దానికి ముందు వారం రోజుల పాటు వర్క్ షాప్స్ కూడా నిర్వహించారు. వీటిలో పవన్ కూడా పాల్గొన్నారు. ఇప్పటికే ఈ సినిమాను చాలా వరకు డిలే చేశారు పవన్. ఆయన డేట్స్ దొరకకపోవడంతో మిగిలిన నటీనటుల డేట్స్ కూడా వేస్ట్ అయ్యాయి. ఫైనల్ గా పవన్ కళ్యాణ్ పరిస్థితిని అర్ధం చేసుకొని దర్శకుడు అడిగినన్ని డేట్స్ ఇవ్వడానికి రెడీ అయిపోయారు.
పెద్దగా గ్యాప్ లేకుండా చిన్న చిన్న బ్రేకులతో నిర్విరామంగా షూటింగ్ ను నిర్వహించాలనుకుంటున్నారు. ఈ సినిమా పూర్తయిన తరువాత రాజకీయ వ్యూహాలను రచిస్తారని అంటున్నారు. మరి అనుకున్నట్లుగా పవన్ ప్లాన్ కి స్టిక్ అయి ఉంటారేమో చూద్దాం!
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
