పవన్‌ కల్యాణ్‌ సినిమా అవకాశమొస్తే నో చెప్పాలంటే అంత ఈజీనా. అంత డేర్‌ చేయడానికి ఎవరూ సిద్ధం కారు కూడా. అందులో స్టార్ హీరోయిన్లు, స్టార్‌లుగా వెలుగొందుందాం అనుకున్నవాళ్లు అయితే కచ్చితంగా ఆ పని చేయరు. కానీ పూజా హెగ్డే ఇప్పుడు ఆ పని చేస్తోందా? అవుననే అంటున్నాయి టాలీవుడ్‌ వర్గాలు. దీనికి కారణం ఆ సినిమా ఆలస్యమవ్వడమే అని కూడా అంటున్నారు. ఇందులో నిజానిజాలు ఎంతో తెలియదు కానీ.. వార్త అయితే సోషల్‌ మీడియాలో సర్క్యులేట్‌ అవుతోంది.
తెలుగు సినిమాల్లోకి వచ్చి ఐరెన్‌ లెగ్‌ అనిపించుకుని.. తర్వాత బాలీవుడ్‌కి వెళ్లిపోయింది పూజా హెగ్డే. ఆ తర్వాత తిరిగి టాలీవుడ్‌ వచ్చి లక్కీ లేడీ అనిపించుకుంది. ఈ క్రమంలో కుర్ర అగ్ర హీరోల సరసన నటించే ఛాన్స్‌ కొట్టేసింది. అయితే ఇటీవల కాలంలో ఈ అమ్మడి కెరీర్‌లో మళ్లీ జర్క్‌లు వస్తున్నాయి. ‘రాధేశ్యామ్‌’, ‘బీస్ట్‌’, ‘ఆచార్య’ అంటూ వరుస ఫ్లాప్‌లు వచ్చి దెబ్బ కొట్టాయి. కానీ ఆమె జోరు మాత్రం తగ్గడం లేదు. బాలీవుడ్‌ సినిమా ‘కబీ ఈద్‌ కబీ దివాళీ’లో నటిస్తోంది. మహేష్‌బాబు – త్రివిక్రమ్‌ సినిమాలోనూ నటిస్తోంది.
ఆ తర్వాత వరుసలో పవన్‌ కల్యాణ్‌ ‘భవదీయుడు భగత్‌ సింగ్‌’ సినిమా కూడా చేయాలి. అయితే పూరీ జగన్నాథ్‌ – విజయ్‌ దేవరకొండ ‘జేజీఎం’కి సైన్‌ చేయడంతో, ‘భవదీయుడు’ వదులుకుంది అని చెబుతున్నారు. మామూలుగా అయితే విజయ్‌ సినిమా కోసం పవన్‌ సినిమాను వదులుకునే ధైర్యం ఏ హీరోయినూ చేయదు. మరి ఇప్పుడు పూజా హెగ్డే ఇప్పుడు ఆ పని చేస్తుందా అనేది చూడాలి. ఆ విషయం పక్కనపెడితే ఎందుకు దూరం చేసుకుంటోంది అనేది కూడా ఆలోచించాల్సిన విషయం.
దీని వెనుక పవన్‌ కల్యాణ్‌ చేస్తున్న ఆలస్యమే కారణం అని చెబుతున్నారు. అన్నీ అనుకున్నట్లుగా జరిగితే ఈ పాటికి ‘భవదీయుడు భగత్‌ సింగ్‌’ రిలీజ్‌ అవ్వాలి. లేదంటే షూటింగ్‌ అయినా జరుగుతుండాలి. కానీ పవన్‌ రాజకీయ కార్యక్రమాలు, వ్యక్తిగత పనుల వల్ల వాయిదా పడుతూ వస్తోంది. ‘వినోదాయ చిత్తాం’ షూటింగ్‌ త్వరలో ప్రారంభం అనే వార్తలూ వస్తున్నాయి. ఈ నేపథ్యంలో ‘భవదీయుడు భగత్‌సింగ్‌’ ఆలస్యమవుతోంది. దీంతో పూజ సినిమాకు నో చెప్పేసింది అంటున్నారు. లేదంటే డేట్స్‌ అడ్జస్ట్‌ చేస్తుందో చూడాలి.
Most Recommended Video
పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!
