తమన్నా కంటే పూజా హెగ్డేనే బెటర్ అనుకుంటున్న రవితేజ టీం..!

September 9, 2020 / 11:11 PM IST

మాస్ మహారాజ్ ర‌వితేజ రవితేజ హీరోగా ‘రాక్షసుడు'(తమిళ రాట్సాసన్) ఫేమ్ ర‌మేష్ వ‌ర్మ డైరెక్షన్లో ఓ చిత్రం తెరకెక్కుతోన్న సంగతి తెలిసిందే. ఈ చిత్రానికి ‘కిలాడీ’ అనే టైటిల్ ను కూడా పరిశీలిస్తున్నారు. రవితేజతో పాటు ఈ చిత్రంలో మరో యంగ్ హీరో కూడా నటించబోతున్నాడని టాక్. ఇదిలా ఉండగా.. ఈ ఏడాది వచ్చిన ‘డిస్కో రాజా’ చిత్రంలో కూడా రవితేజ డబుల్ రోల్ ప్లే చేసాడు. ఇప్పుడు మరోసారి డబుల్ రోల్ చెయ్యడానికి రెడీ అవుతున్నాడన్న మాట. సరే ఈ విషయాన్ని పక్కన పెట్టేస్తే..

ఈ చిత్రంలో హీరోయిన్ పాత్ర కోసం ముందుగా తమన్నాను సంప్రదించారట దర్శకనిర్మాతలు. అయితే ఆమె 3 కోట్లు డిమాండ్ చేసిందట. నిర్మాతలు 2 కోట్ల వరకూ బేరాలు ఆడినా ఆమె ఒప్పుకోలేదట. ఫేడౌట్ అయిపోవడానికి రెడీగా ఉన్న హీరోయిన్ కు అంత పెట్టడం అవసరమా అని దర్శక నిర్మాతలు కూడా లైట్ తీసుకున్నారని ప్రచారం జరిగింది. అయితే ఈ నేపథ్యంలో… పూజా హెగ్డేను సంప్రదించగా ఆమె ఓకే చెప్పేసినట్టు తెలుస్తుంది. 2 కోట్లకు పూజా ఓకే చెప్పేసిందట.

Pooja Hegde To Romance With Ravi Teja1

అయితే వీలైనంత తొందరగా తన పాత్రకు సంబంధించిన సన్నివేశాలను పూర్తి చేస్తే బెటర్ అని ఆమె తెలిపిందట. లేదంటే పెద్ద సినిమాల షూటింగ్ లు మొదలయ్యాక డేట్స్ అడ్జస్ట్మెంట్స్ అనేవి కష్టమవుతాయి అనేది ఆమె ఆలోచన. ఏమైనా పూజ ఓపెన్ గా విషయం చెప్పడం పట్ల దర్శకనిర్మాతలు హర్షం వ్యక్తం చేసినట్టు తెలుస్తుంది. ఎందుకంటే పూజా హెగ్డే.. ఉన్నది ఉన్నట్టుగా చెప్పేయడం.. అందులోనూ క్రేజ్ ఉన్న హీరోయిన్ 2 కోట్లకే ఓకే చెప్పడంతో వారిని ఇంప్రెస్ చేసినట్టు తెలుస్తుంది. ఇక మరో రవితేజ సరసన హీరోయిన్ ర‌కుల్ ను తీసుకునే అవకాశం ఉందని తెలుస్తుంది.