ప్రభాస్ కి ఇక ఆర్ధిక ఇబ్బందులు ఉండవు

ఒక స్టార్ హీరో ఒకే సినిమాకు ఐదేళ్లు కేటాయించడమనేది.. చాలా సాహసంతో కూడిన విషయం. దీనివల్ల తన కెరీర్ లో సినిమాల సంఖ్య తగ్గడంతో పాటు, ఆర్ధిక కష్టాలను ఎదుర్కోవాల్సి ఉంటుంది. ఈ సాహసాన్ని యంగ్ రెబల్ స్టార్ ప్రభాస్ చేశారు. సినిమాల సంఖ్య తగ్గిన ఒక్క బాహుబలి తో ఇండియన్ స్టార్ గా ఎదిగారు. ఆర్ధిక కష్టాలు కూడా పడ్డారు.  బ్యాంక్ లో లోన్ తీసుకొని ఇల్లు కట్టుకున్నారని వార్తలు కూడా వచ్చాయి. ఇతర సినిమాలు, వాణిజ్య ప్రకటనలు చేయమని మిత్రులు చెప్పినా, భారీ ఆఫర్లు గుప్పించినా ప్రభాస్ చేయలేదు. అతని నమ్మకం గెలిచింది. బాహుబలి మొదటి పార్ట్ విజయం సాధించడంతో పాటు, రెండో పార్ట్ భారీ స్థాయిలో ప్రీ రిలీజ్ బిజినెస్ చేయడంతో ప్రభాస్ ఆర్ధిక కష్టాలు తొలిగిపోయాయి.

రెండు భాగాలకు కలిసి డార్లింగ్ 75  కోట్ల రెమ్యునరేషన్ అందుకున్నట్లు సమాచారం. ఈ సినిమా తర్వాత సుజీత్, రాధా కృష్ణ డైరక్షన్లో సినిమాలు చేయనున్నారు. యువీ క్రియేషన్స్ బ్యానర్లో నిర్మితమవుతున్న ఈ సినిమాలు ఏకకాలంలో మూడు భాషల్లో తెరకెక్కనున్నాయి. వాటికీ కూడా ప్రభాస్ భారీ ఎత్తున  పారితోషికం అందుకోనున్నారు. సో ఇక ప్రభాస్ కి ఆర్ధిక ఇబ్బందులు ఉండవని ఫిలిం నగర్ వాసులు అభిప్రాయపడుతున్నారు.

Also, do SUBSCRIBE to our YouTube channel to get latest Tollywood updates.