స్టార్ డైరెక్టర్ ప్రశాంత్ నీల్ కేజీఎఫ్2 సినిమాతో తన స్థాయిని పెంచుకున్నారు. ప్రస్తుతం ప్రశాంత్ నీల్ సలార్ సినిమాతో బిజీగా ఉన్నారు. అయితే ఈ సినిమా షూటింగ్, ఇతర వివరాలు ప్రేక్షకులకు తెలియడం లేదు. సలార్ రిలీజ్ కు చాలా సమయం ఉండటంతో మేకర్స్ సైతం ఈ సినిమా ప్రమోషన్లపై పెద్దగా దృష్టి పెట్టడం లేదు. వచ్చే ఏడాది సమ్మర్ లో ఈ సినిమా రిలీజయ్యే అవకాశాలు కనిపిస్తున్నాయి. అయితే డైరెక్టర్ ప్రశాంత్ నీల్ కు, సలార్ చిత్ర యూనిట్ కు ప్రభాస్ ఫ్యాన్ ఒకరు భారీ షాకిచ్చారు.
సలార్ సినిమా అప్ డేట్ ఇవ్వకపోతే చచ్చిపోతానంటూ ప్రభాస్ ఫ్యాన్ సూసైడ్ లెటర్ రాశారు. సలార్ దర్శకునికి ప్రభాస్ అభిమాని రాసిన ఈ లెటర్ గురించి నెట్టింట జోరుగా చర్చ జరుగుతోంది. సాహో, రాధేశ్యామ్ సినిమాలు ఆశించిన స్థాయిలో విజయాన్ని సొంతం చేసుకోలేదనే సంగతి తెలిసిందే. రాధేశ్యామ్ మూవీ ఫుల్ రన్ కలెక్షన్లు సైతం ప్రభాస్ అభిమానులను తీవ్రస్థాయిలో నిరాశకు గురి చేశాయి. సాలిడ్ యాక్షన్ మూవీగా సలార్ తెరకెక్కుతుండగా ప్రభాస్ లుక్ మినహా మరే అప్ డేట్ రాలేదు.
ప్రభాస్ ఫ్యాన్ సోషల్ మీడియాలో సలార్ సినిమా షూట్ మొదలై చాలా రోజులవుతున్నా ఇప్పటివరకు ఈ సినిమా నుంచి గ్లింప్సెస్ కూడా రిలీజ్ చేయలేదని మే చివరి వారంలోగా ఈ సినిమాకు సంబంధించి అప్ డేట్ ఇవ్వకపోతే సూసైడ్ చేసుకుంటానని తెలిపారు. ప్రశాంత్ నీల్ సలార్ అప్ డేట్ ఇస్తామని చెప్పి ఇవ్వలేదని ప్రభాస్ గత రెండు సినిమాల ఫలితాల వల్ల నిరాశలో ఉన్నామని ప్రభాస్ ఫ్యాన్ చెప్పుకొచ్చారు.
సలార్ మేకర్స్, ప్రశాంత్ నీల్ ఈ లెటర్ విషయంలో ఎలా రియాక్ట్ అవుతారో చూడాలి. అయితే సినిమా అప్ డేట్స్ అడగటంలో తప్పు లేదని అప్ డేట్ ఇవ్వకపోతే సూసైడ్ చేసుకుంటానని బెదిరించడం మాత్రం సరికాదని నెటిజన్లు భావిస్తున్నారు.
Most Recommended Video
అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!
