Prabhas, Maruthi: ప్రభాస్ మారుతి మూవీ కథ అలా ఉండబోతుందా?

August 29, 2022 / 07:34 PM IST

ప్రభాస్ మారుతి కాంబినేషన్ లో భారీ బడ్జెట్ తో ఒక సినిమా తెరకెక్కుతున్న సంగతి తెలిసిందే. ఈ సినిమా విషయంలో ప్రభాస్ అభిమానులలో కొంతమేర అసంతృప్తి ఉన్నా మారుతి ఈ ప్రాజెక్ట్ తో కచ్చితంగా సక్సెస్ ను సొంతం చేసుకుంటారని ఆయన ఫ్యాన్స్ భావిస్తున్నారు. అయితే ఈ సినిమాకు సంబంధించి తాజాగా ఒక విషయం వెలుగులోకి వచ్చింది. వైరల్ అవుతున్న వార్త ప్రకారం ఈ సినిమా తాతామనవళ్ల కథగా తెరకెక్కనుంది.

రాజా డీలక్స్ అనే పాడుబడ్డ థియేటర్ నేపథ్యంలో ఈ సినిమా కథ ఉంటుందని సమాచారం అందుతోంది. ప్రభాస్ ఈ సినిమాలో మనవడి పాత్రలో కనిపించనుండగా ఈ సినిమాలో ఎమోషనల్ సన్నివేశాలు కూడా ఎక్కువగానే ఉంటాయని తెలుస్తోంది. ఈ సినిమా కోసం ప్రభాస్ చాలా తక్కువ రోజులు మాత్రమే డేట్లు కేటాయించారని ఇండస్ట్రీ వర్గాల్లో జోరుగా వినిపిస్తుండటం గమనార్హం. కేవలం మూడు షెడ్యూల్స్ లోనే ఈ సినిమా షూటింగ్ పూర్తి కానుందని తెలుస్తోంది.

సెట్స్ లోనే ఈ సినిమాకు సంబంధించిన మెజారిటీ సన్నివేశాల షూటింగ్ పూర్తి కానుందని ఇండస్ట్రీ వర్గాల్లో జోరుగా వినిపిస్తోంది. ఈ సినిమాకు నిర్మాతలు ఎవరనే సంగతి తెలియాల్సి ఉంది. వచ్చే ఏడాది ఈ సినిమా థియేటర్లలో విడుదలయ్యే ఛాన్స్ అయితే ఉంది. 2023లో ప్రభాస్ మూడు సినిమాలతో ప్రేక్షకుల ముందుకు వచ్చే ఛాన్స్ అయితే ఉంది.

ప్రభాస్ నటించిన మూడు సినిమాలు ఒకే ఏడాది థియేటర్లలో విడుదల కానుండటంతో ప్రభాస్ అభిమానులకు ఆనందం కలుగుతోంది. ఈ మూడు సినిమాలు బాక్సాఫీస్ వద్ద బ్లాక్ బస్టర్ హిట్లుగా నిలిస్తే ప్రభాస్ ఫ్యాన్స్ ఆనందానికి అవధులు ఉండవు. పాన్ ఇండియా హీరోగా గుర్తింపును సొంతం చేసుకున్న ప్రభాస్ భవిష్యత్తు ప్రాజెక్ట్ లతో కూడా విజయాలను అందుకోవాలని ఫ్యాన్స్ భావిస్తున్నారు.