యంగ్ రెబల్ స్టార్ ప్రభాస్, పూజాహెగ్డే జంటగా దర్శకుడు రాధాకృష్ణ కుమార్ దర్శకత్వంలో తెరకెక్కిస్తోన్న సినిమా ‘రాధేశ్యామ్’. భారీ బడ్జెట్ తో పాన్ ఇండియా నేపథ్యంలో ఈ సినిమాను రూపొందిస్తున్నారు. ప్రస్తుతం ఈ సినిమా షూటింగ్ చివరి షెడ్యూల్ జరుగుతోంది. ఇప్పటికే విడుదలైన ఈ సినిమా ఫస్ట్ లుక్, మోషన్ పోస్టర్, టీజర్ ప్రేక్షకులను ఆకట్టుకోవడంతో సినిమాపై అంచనాలు పెరిగిపోయాయి. పీరియాడికల్ లవ్ స్టోరీ నేపథ్యంలో సినిమాను రూపొందిస్తున్నారు.
కరోనా కారణంగా ఇప్పటికే వాయిదా పడిన ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. ప్రస్తుతం ఈ సినిమా షూటింగ్ కడప జిల్లాలోని గండికోటలో జరుగుతోంది. ఇందులో వేద పాఠశాలకు చెందిన గురువుగా సత్యరాజ్ నటిస్తున్నారు. ఆయనతో పాటు కొందరు అఘోరాలకు సంబంధించిన కీలక సన్నివేశాలను చిత్రీకరిస్తున్నారు. వీటికి సంబంధించిన ఫోటోలు సోషల్ మీడియాలో వైరల్ అవుతున్నాయి. గండికోటలో ‘రాధేశ్యామ్’షూటింగ్ జరుగుతుందనే విషయం తెలుసుకున్న ప్రభాస్ ఫ్యాన్స్ భారీ సంఖ్యలో అక్కడకు చేరుకున్నారు.
కానీ ఈ షూటింగ్ లో ప్రభాస్ ఎక్కడా కనిపించలేదు. ఈ సినిమా యూరప్ బ్యాక్ డ్రాప్ తో సాగే ప్రేమ కథ. ఈ సినిమాతో పాటు ప్రభాస్ ‘సలార్’, ‘ఆదిపురుష్’ వంటి సినిమాల్లో నటిస్తున్నారు. రీసెంట్ గానే నాగశ్విన్ సినిమా కూడా మొదలుపెట్టారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
