బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సినిమా పనులు చకచకా సాగుతున్నాయి. డైరక్టర్ సుజీత్ దర్శకత్వంలో తెరకెక్కుతున్న ఈ మూవీ కొన్ని రోజుల క్రితం పూజా కార్యక్రమాలు జరుపుకుంది. మే నుంచి రెగ్యులర్ షూటింగ్ లోకి వెళ్లనున్న ఈ చిత్రానికి దాదాపు టెక్నీషియన్లు, ఆర్టిస్టుల ఎంపికను పూర్తి చేశారు. కన్నడ బ్యూటీ రష్మిక మందనా హీరోయిన్ గా నటిస్తున్న ఈ చిత్రం గురించి తాజాగా ఓ ఆసక్తికర వార్త బయటికి వచ్చింది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ ఫిల్మ్ కి “సాహో” అనే టైటిల్ ని ఫిక్స్ చేసినట్లు తెలిసింది.
ఈ పేరుని నిర్మాతలు ఫిల్మ్ ఛాంబర్ లో రిజిస్టర్ చేయించారని సమాచారం. బాహుబలి చిత్రంతో “సాహో” అనే పదం ప్రపంచమంతా పాకింది. సో అదే టైటిల్ పెట్టడం వల్ల తొందరగా సినిమా ప్రజల్లోకి వెళుతుందని భావించి డైరక్టర్ ఈ పేరు పెట్టినట్లు టాలీవుడ్ వర్గాలు తెలిపాయి. ప్రభాస్ పోలీసాఫీసర్ గా నటిస్తున్న ఈ సినిమాలో బాలీవుడ్ హీరో వివేక్ ఒబెరాయ్ విలన్ గా నటించనున్నారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు డార్లింగ్ ఫిల్మ్ కి సంగీతాన్ని అందించనున్నారు.
Also, do SUBSCRIBE to our YouTube channel to get latest Tollywood updates.
