Prabhu Deva: 45 రోజులపాటు బయటకు రావడానికి కూడా ఇబ్బంది పడ్డాను!

July 15, 2022 / 03:42 PM IST

ప్రభుదేవా ఈ పేరు గురించి పరిచయం అవసరం లేదు ఇండియన్ మైకల్ జాక్సన్ గా పేరు సంపాదించుకున్న ప్రభుదేవా తన అద్భుతమైన డాన్స్ పెర్ఫార్మెన్స్ తో అందరినీ మెప్పించారు. ఇలా కేవలం కొరియోగ్రాఫర్ గా మాత్రమే కాకుండా దర్శకుడిగా నిర్మాతగా నటుడిగా కూడా ప్రభుదేవా మంచి పేరు ప్రఖ్యాతలు సంపాదించుకున్నారు. ప్రభుదేవా తాజాగా నటిస్తున్న చిత్రం మై డియర్ భూతం. ఇక ఈ సినిమా తెలుగు తమిళ భాషలలో నేడు ప్రేక్షకుల ముందుకు వచ్చింది.

ఇకపోతే ఈ సినిమాలో ప్రభుదేవా భూతం పాత్రలో సందడి చేశారు. ఈ పాత్రలో చేయడం కోసం ప్రభుదేవా పూర్తిగా తన లుక్ మార్చుకోవాల్సి వచ్చింది. ఈయన భూతం మాదిరి కనిపించడం కోసం ఎంతో కష్టపడ్డారని ఓ ఇంటర్వ్యూ సందర్భంగా వెల్లడించారు. ఈ సందర్భంగా ప్రభుదేవా మాట్లాడుతూ ఈ సినిమాలో ఈ పాత్రలో నటించాలంటే ఎంతో విభిన్నమైన లుక్ ఉండాలి.అలాగే ఈ పాత్రలో వేసుకున్న డ్రెస్ వల్ల కూడా చాలా ఇబ్బంది పడ్డాను అని తెలిపారు.

ఈ డ్రెస్ వేసుకుంటే కనీసం వంగడానికి కూడా వీలు లేకుండా ఉండేది. ఇకపోతే ఈ పాత్రలో చేయడం కోసం పూర్తిగా గుండు కొట్టించుకుని ఒక పిలక మాత్రమే పెట్టుకున్నాను. ఈ సినిమా కోసం పిలక లుక్ మార్చలేము కనుక ఈ సినిమాని సింగిల్ షెడ్యూల్లో పూర్తి చేయాలని దర్శకుడికి సూచించినట్లు పేర్కొన్నారు. అయితే ఈ సినిమాలో తన పాత్రకు సంబంధించిన షూటింగ్ పూర్తి కావడానికి 45 రోజులు పట్టిందని ప్రభుదేవా వెల్లడించారు.

ఈ విధంగా ఈ 45 రోజులపాటు తాను బయటకు వెళ్లడానికి కూడా ఎంతో ఇబ్బంది పడ్డానని అలాగే తన మొహం అద్దంలో చూసుకోవడానికి కూడా తాను ఇష్టపడటం లేదని ప్రభుదేవా వెల్లడించారు.ఈ పాత్రలో చేయడానికి నాకు ఇబ్బంది అనిపించిన సినిమా కోసం చేయాల్సి వచ్చిందని ఈ సందర్భంగా మై డియర్ భూతం సినిమా గురించి ప్రభుదేవా ఆసక్తికరమైన వ్యాఖ్యలు చేశారు.ఇకపోతే ఈ సినిమా ఓ తల్లి కొడుకుల మధ్య జరిగే ఒక ఎమోషనల్ కథ, ఇందులో భూతంగా వచ్చే తాను ఏం చేశారు అనేది ఎంతో ఆసక్తికరంగా ఉండబోతోందని ప్రభుదేవా వెల్లడించారు.