‘కార్తీక దీపం’ సీరియల్ గురించి ప్రత్యేక పరిచయం అవసరం లేదు. టెలివిజన్ రంగంలో ఓ ‘బాహుబలి’ లాంటిది ఈ సీరియల్. 5 ఏళ్ళుగా ప్రేక్షకులను అలరిస్తూనే ఉంది. ఈ సీరియల్ పేరు చెప్పగానే ఎక్కువగా గుర్తుకొచ్చేది వంటలక్క అలియాస్ దీప పాత్ర. సీరియల్ కథ మొత్తం ఈ పాత్ర చుట్టూనే తిరుగుతుంది.అందుకే ఈ పాత్ర పై సోషల్ మీడియాలో చాలా మీమ్స్ వస్తాయి. కొన్ని సినిమాల్లో కూడా ‘వంటలక్క’ పేరుతో కామెడీ ట్రాక్ లు కూడా నడిచాయి.
ఈ పాత్రను పోషించింది మలయాళ నటి ప్రేమి విశ్వనాథ్. మలయాళంలో ఈమె ఓ సినిమాలో నటించింది కానీ ఆ సినిమా రిలీజ్ కు నోచుకోలేదు అని గతంలో టాక్ నడిచింది. సాధారణంగా బుల్లితెర పై ఓ మాదిరి క్రేజ్ వస్తే చాలు వెంటనే వెండితెర పై దర్శనమిచ్చేస్తారు నటీనటులు. కానీ ప్రేమీ విశ్వనాథ్ మాత్రం ఇంకా సినిమాల్లో బిజీ కాలేదు. నిజానికి ‘ఆర్.ఆర్.ఆర్’ చిత్రంలో ఓ పాత్రకు ఈమెను సంప్రదించాడు దర్శకుడు రాజమౌళి. కానీ కొన్ని కారణాల వల్ల ఈమె ‘ఆర్.ఆర్.ఆర్’ లో భాగం కాలేకపోయింది.
అయితే ఇప్పుడు ఓ క్రేజీ సినిమాలో ఈమె నటించడానికి గ్రీన్ సిగ్నల్ ఇచ్చింది. అందుకు సంబంధించిన అధికారిక ప్రకటన కూడా వచ్చేసింది. వివరాల్లోకి వెళితే.. నాగ చైతన్య హీరోగా తమిళ స్టార్ డైరెక్టర్ వెంకట్ ప్రభు దర్శకత్వంలో ఓ చిత్రం రూపొందుతున్న సంగతి తెలిసిందే. ‘NC22’ వర్కింగ్ టైటిల్ తో తెరకెక్కుతున్న ఈ చిత్రం షూటింగ్ త్వరలో ప్రారంభం కానుంది.
కృతి శెట్టిని హీరోయిన్ గా ప్రకటించారు తప్ప.. ఈ చిత్రంలో నటించే నటీనటుల గురించి నిన్నటి వరకు మేకర్స్ రివీల్ చేయలేదు. అయితే ఈరోజు మాత్రం ఈ చిత్రం క్యాస్టింగ్ గురించి చాలా వరకు అప్డేట్లు ఇచ్చేసారు. ఈ చిత్రంలో ప్రేమి విశ్వనాథ్ కూడా నటించబోతున్నట్టు స్పష్టం చేస్తూ ఓ ట్వీట్ వేశారు. దీంతో ప్రేమి ఫ్యాన్స్ ఆమెకు ఆల్ ది బెస్ట్ చెబుతూ కామెంట్లు పెడుతున్నారు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
