నిన్న ఇండస్ట్రీ పెద్దలతో మెగాస్టార్ చిరంజీవి తన సొంత ఇంట్లో ఓ మీటింగ్ ను ఏర్పాటు చేసిన సంగతి తెలిసిందే. అతి త్వరలో ఆంధ్రప్రదేశ్ ముఖ్యమంత్రి వై.ఎస్.జగన్మోహన్ రెడ్డిని ఆయన కలిసి ఏపీలో డిస్ట్రిబ్యూటర్లు, థియేటర్ యాజమాన్యాల సమస్యల గురించి చర్చించాల్సి ఉంది. ఈ నేపథ్యంలో ఏ ఏ అంశాలను ప్రధానంగా ఏపీ సి.ఎం జగన్ దృష్టికి తీసుకువెళ్లాలి అనే అంశాల పై నిన్న ఇండస్ట్రీ పెద్దలతో ఆయన భేటీ అయ్యారు. అయితే చిరు మీటింగ్ పై ప్రముఖ నిర్మాత నట్టి కుమార్.. సంచలన కామెంట్లు చేశారు.
ఆయన మాట్లాడుతూ.. “చిరంజీవి గారు మీరంటే నమ్మకం , గౌరవం ఉంది, దయచేసి విభజించి పాలించకండి.మీకు చిన్న సినిమా నిర్మాతలు గుర్తున్నారా..లేరా..?ఏపీ సీఎం జగన్ గారు ,ప్రొడ్యూసర్ కౌన్సిల్ ను , ఫిల్మ్ ఛాంబర్ ను ఆహ్వానించకుండా..పర్సనల్ గా ఎందుకు పిలుస్తున్నారు.ఏపీ ప్రభుత్వం ఇచ్చిన 35 జి వో అమలు కావడం లేదు, ఇచ్చిన హామీలు అమలు కావడం లేదు.సినిమా టికెట్ 100 రూపాయలు , B , C థియేటర్ లలో 30 నుంచి 50 చెయ్యాలి. ఏపీ ప్రభుత్వం ఇచ్చిన 35 జి వోని రద్దు చేయొద్దు.టికెట్ రేట్లు 100 రూపాయలు ఉండటం వల్లే ‘తిమ్మరసు’ , ‘ఎస్.ఆర్.కళ్యాణమండపం’ సినిమాలకు మంచి కలెక్షన్స్ వచ్చాయి.
హీరో బాలకృష్ణ ను , నిర్మాతల మండలి వైస్ ప్రెసిడెంట్ సెక్రటరీని మీరు ఎందుకు పిలవలేదు.?చిరంజీవి గారు… ఫిల్మ్ ఇండస్ట్రీ అంటే మా అసోసియేషన్ కాదు , 24 శాఖలు ఉంటాయని గ్రహించండి.మీ మీటింగ్ లో పెద్ద నిర్మాతలు తప్ప.. చిన్న నిర్మాతలు లేరు.161 జి వో ఇచ్చిన సినిమా హబ్ గా స్థలం ఇస్తానని ఎందుకు స్పందించడం లేదు.కరోనా టైం లో థియేటర్స్ కి 3 నెలలు కరెంట్ బిల్లు సబ్సిడి ఇస్తామని హామీ ఇచ్చారు… అమలు కాలేదు.చిరంజీవి గారు… చిన్న ,పెద్ద వాళ్ళను కలుపుకొని పోవాలి. ఏపీ లో 35 జి ఓ అమలు కావడం లేదు. జాయింట్ కలెక్టర్ ఆర్.డి.ఓ ,ఎం.ఆర్.ఓ లతో మాట్లాడినా ప్రయోజనం లేదు.చిన్న సినిమాకు 5 షోలు.. నా చిన్నప్పటి నుండీ వింటున్నాము…ఇంతవరకు అమలుకాలేదు.
తెలంగాణ లో సినిమా హబ్ అని ప్రకటిస్తున్నారు…ఏపీ పరిస్థితి ఏంటి…? ఓటీటీ లో పెద్ద సినిమాలు విడుదల చేస్తూ థియేటర్లకు అన్యాయం చేస్తున్నారు. సురేషబాబు ‘నారప్ప’ సినిమాని ఓటీటీలో విడుదల చేశారు.థియేటర్ ల వల్లే తాము పెద్ద వాళ్లం అయ్యామని, మాకు ఇంతమంది అభిమానులు ఏర్పడ్డారని, ఇంత ఇమేజ్ వచ్చిందని సినీ పెద్దలు మరచిపోకూడదు.బాలయ్యని ఎందుకు పిలవలేదు.దాసరి గారి తర్వాత చిరంజీవి గారిని మేము గౌరవిస్తాం. అయితే ఈ విషయాలన్నిటిని ఆయన దృష్టిలో పెట్టుకుని చిరంజీవి గారు అందరివాడిగా ముందుకు సాగాలి.గతంలో చిరంజీవి గారు, నాగార్జున గారు తదితరులు అందరూ కలిసి ఏపీ సీఎం మీటింగ్ కు వెళ్లారు కదా! అప్పటి హామీలు ఒక్కటీ నెరవేరలేదు. వాళ్లు ఆ హామీలను ఎంతవరకు ఫాలో అప్ చేశారు” అంటూ నట్టికుమార్ చెప్పుకొచ్చారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
