సినిమా ఇండస్ట్రీకి చెందిన స్టార్ హీరోలలో పవన్ కళ్యాణ్ (Pawan Kalyan) రూటే సపరేట్ అనే సంగతి తెలిసిందే. చాలామంది హీరోలు తమ సంపాదనను రియల్ ఎస్టేట్ లో ఇన్వెస్ట్ చేయడానికి, వ్యాపారాలలో ఇన్వెస్ట్ చేయడానికి ఆసక్తి చూపిస్తారు. అయితే పవన్ కళ్యాణ్ మాత్రం తన సంపాదనలో ఎక్కువ మొత్తాన్ని దానధర్మాలకే ఖర్చు చేస్తారు. ఎవరైనా కష్టంలో ఉన్నారని తెలిస్తే ముందూవెనకా ఆలోచించకుండా డబ్బులు ఇచ్చేశారు. పవన్ కళ్యాణ్ కు అత్యంత క్లోజ్ గా ఉండే నిర్మాతలలో శరద్ మరార్ (Sharrath Marar) ఒకరు.
శరద్ మరార్ తాజాగా ఒక ఇంటర్వ్యూలో మాట్లాడుతూ పవన్ డబ్బుల విషయంలో జాగ్రత్తగా ఉండరని పవన్ కళ్యాణ్ కు సరైన మనీ ప్లానింగ్ లేదని ఆయనకు డబ్బులను ఎలా దాచుకోవాలో తెలియదని చెప్పుకొచ్చారు. ఎవరైనా వచ్చి సహాయం అంటే పవన్ చేస్తాడని శరద్ మరార్ వెల్లడించడం గమనార్హం. పవన్ కళ్యాణ్ అలా ఎక్కువ మొత్తాన్ని దాన ధర్మాలకు ఇచ్చేశారని ఆయన తెలిపారు.
ఇది అడ్వాంటేజ్ గా తీసుకుని కొందరు పవన్ ను మనీ కోసం అడిగి మోసం చేస్తారని శరద్ మరార్ వెల్లడించారు. పవన్ కు డబ్బుల విషయంలో జాగ్రత్తగా ఉండాలని నేను, త్రివిక్రమ్ (Trivikram) చెప్పి చూశామని ఆయన కామెంట్లు చేశారు. కనీసం పిల్లల కోసం కొంత దాచుకోవాలని సూచనలు చేశామని ఆయన తెలిపారు. మేము ఇలా కామెంట్లు చేస్తే నేను ఏం చేస్తున్నానో నాకు తెలుసని ఈ విషయంలో నాకేమీ చెప్పాల్సిన అవసరం లేదని పవన్ చెప్పారని శరద్ మరార్ వెల్లడించారు.
శరద్ మరార్ వెల్లడించిన విషయాలు నెట్టింట వైరల్ అవుతున్నాయి. పవన్ కళ్యాణ్ ఎంతో గ్రేట్ అని నెటిజన్లు చెబుతున్నారు. పవన్ మంచితనమే ఆయనకు మేలు చేస్తుందని నెటిజన్లు అభిప్రాయపడుతున్నారు. పవన్ కళ్యాణ్ టాలెంట్ కు తగ్గ విజయాలు దక్కాలని అభిమానులు ఆకాంక్షిస్తున్నారు. పవన్ ను అభిమానించే ఫ్యాన్స్ సంఖ్య పెరుగుతోంది.
Home