Liger Movie: లైగర్ విషయంలో పూరీకి మద్దతు తెలిపిన తమ్మారెడ్డి?

October 30, 2022 / 10:24 PM IST

లైగర్ సినిమా విడుదలైన తర్వాత పూరి జగన్నాథ్ తరచూ ఏదో ఒక వివాదం ద్వారా వార్తల్లో నిలుస్తున్నారు. ఈ క్రమంలోనే ఎన్నో అంచనాల నడుమ ఈ సినిమా పాన్ ఇండియా స్థాయిలో ప్రేక్షకుల ముందుకు వచ్చింది. అయితే అంచనాలను ఏమాత్రం అందుకోలేక ఈ సినిమా బాక్స్ ఆఫీస్ వద్ద డిజాస్టర్ గా నిలిచింది. ఈ క్రమంలోనే ఈ సినిమాని కొనుగోలు చేసిన డిస్ట్రిబ్యూటర్లు పెద్ద ఎత్తున పూరి పై ఎదురుదాడికి దిగారు.

పూరి జగన్నాథ్ తమ డబ్బును తమకు వెనక్కు చెల్లించాలంటూ పెద్ద ఎత్తున కామెంట్లు చేస్తున్నారు.ఇలా తమ డబ్బును తిరిగి ఇవ్వకపోతే ఫిలిం ఛాంబర్ ఎదుట ధర్నాకు దిగుతామంటూ డిస్టిబూటర్లు బెదిరించడంతో పూరి జగన్నాథ్ ఏకంగా జూబ్లీహిల్స్ పోలీస్ స్టేషన్లో తనకు ప్రాణహాని ఉందని తన కుటుంబానికి రక్షణ కల్పించాలంటూ ఫిర్యాదు చేసిన విషయం మనకు తెలిసిందే. ఈ విధంగా పూరి జగన్నాథ్ లైగర్ సినిమా విషయంలో తరచూ వివాదాలను ఎదుర్కొంటున్నారు.

ఈ క్రమంలోనే తాజాగా పూరి జగన్నాథ్ కు మద్దతుగా నిర్మాత తమ్మారెడ్డి భరద్వాజ్ నిలబడ్డారు. ఈ క్రమంలోనే లైగర్ డిస్ట్రిబ్యూటర్ల పై ఈయన తీవ్ర స్థాయిలో మండిపడ్డారు. ఈ సందర్భంగా తమ్మారెడ్డి మాట్లాడుతూ.. విజయ్ దేవరకొండ కోసం ఇంత పెద్ద మొత్తంలో డబ్బు ఖర్చు పెట్టమని ఎవరు అడిగారు? ఆయనకు ఇండస్ట్రీలో మార్కెట్ లేదా ఆయన నటించిన సినిమాలు గతంలో మంచి కలెక్షన్లు రాబట్టాయి. ఇవన్నీ తెలిసే ఆయన సినిమాని భారీ ధరలకు కొన్నారు అయితే ఇవన్నీ తెలిసి కూడా పూరి జగన్నాథ్ మీద పడటం సరైన పద్ధతి కాదు.

ఒక సినిమా హిట్ అయితే లాభాలు తీసుకుంటారు. అదే ఫ్లాప్ అయితే డైరెక్టర్ డబ్బులు చెల్లించాలా అంటూ ఈయన ఎదురు ప్రశ్నించారు.ఒక సినిమాని కొనుగోలు చేసే ముందు ఆ హీరో మార్కెట్ ఎలా ఉందని ఆలోచించి సినిమాను కొనుగోలు చేయాలని కేవలం లాభాలను మాత్రమే దృష్టిలో పెట్టుకొని సినిమాని కొనుగోలు చేయకూడదంటూ ఈయన డిస్ట్రిబ్యూటర్ల పై మండిపడ్డారు. పూరి జగన్నాథ్ మీ ఇంటికి వచ్చి తన సినిమాని కొనమని చెప్పలేదు కదా.. గతంలో నేనింతే సినిమా విషయంలో కూడా ఇలాగే జరిగిందంటూ ఈ సందర్భంగా తమ్మారెడ్డి వెల్లడించారు.