Prudhvi Raj: నాకు నా భార్యకు గొడవలు ఉన్నాయి..పృథ్వీ రాజ్ కామెంట్స్ వైరల్!

June 28, 2022 / 01:56 PM IST

టాలీవుడ్ ఇండస్ట్రీలో కమెడియన్ గా 30 ఇయర్స్ ఇండస్ట్రీ అనే డైలాగ్ తో ఎంతో ఫేమస్ అయినటువంటి నటుడు పృథ్వీరాజ్ గురించి ప్రత్యేకంగా చెప్పాల్సిన పనిలేదు. ఈయన పలు సినిమాలలో కమెడియన్ గా నటించి ఎంతో మంచి గుర్తింపు సంపాదించుకున్నాడు. అయితే గత ఎన్నికలలో భాగంగా ఈయన వైసీపీ పార్టీ తరఫున ప్రచారం చేసి పార్టీ విజయంలో ఎంతో కృషి చేశారు. పార్టీ అధికారంలోకి వచ్చిన తరువాత ఈయన కష్టాన్ని గుర్తించిన ముఖ్యమంత్రి ఈయనకు శ్రీ వెంకటేశ్వర భక్తి ఛానల్ చైర్మన్ పదవి ఇచ్చారు.

అయితే ఈయన నోటిదురుసు కారణంగా ఈయన పై ఎన్నో లైంగిక ఆరోపణలు రావడంతో ఈయనను చైర్మన్ పదవి నుంచి తప్పించారు. ఇక ఈయన చైర్మన్ పదవి పోవడంతో పరోక్షంగా అధికార పార్టీ పై విమర్శలు చేస్తూ వచ్చారు. పదవిలో ఉన్నప్పుడు ఈయన నోటిదురుసు కారణంగా ఎంతో మంది సినీ సెలబ్రిటీలను సైతం దూషించారు. అయితే చివరికి వారిని క్షమాపణలు కోరుతూ జనసేన పార్టీలోకి వెళ్లడానికి ఆసక్తి చూపిస్తున్నారు. ఇదిలా ఉండగా తాజాగా ఈయన ఒక ఇంటర్వ్యూలో పాల్గొని పలు ఆసక్తికరమైన విషయాలను తెలిపారు.

ఈ ఇంటర్వ్యూ సందర్భంగా ఈయన వృత్తి పరమైన విషయాలను మాత్రమే కాకుండా వ్యక్తిగత విషయాల గురించి కూడా ప్రస్తావించారు. ఈ క్రమంలోనే గత ఎనిమిది సంవత్సరాల నుంచి తాను తన కుటుంబానికి దూరంగా హైదరాబాద్లో ఉంటున్నానని తెలిపారు. తన భార్య పిల్లలు విజయవాడలో ఉండగా తాను మాత్రం ఇక్కడ ఉంటున్నానని వెల్లడించారు. పిల్లలు జీవితంలో సెటిల్ అయ్యారని అయితే తన భార్యకు తనకు ఇంకా విడాకులు రాకపోయినా గొడవల కారణంగా కోర్టులో కేసులు నడుస్తున్నాయని పృథ్వి రాజ్ ఈ ఇంటర్వ్యూ సందర్భంగా వెల్లడించారు.

తనకు చెన్నైలో ఉన్నప్పటి నుంచి దాసరి పద్మ రేఖ అనే ఒక ఆవిడ పరిచయం అని ప్రస్తుతం తనతోనే ఉంటున్నానని,ప్రస్తుతం నా పక్కన ఎవరైనా ఉన్నారు అంటే అది కేవలం పద్మగారు మాత్రమేనని ఆయన తన వ్యక్తిగత విషయాల గురించి చేసిన కామెంట్స్ ప్రస్తుతం వైరల్ అవుతున్నాయి.