Puri Jagannadh, Ali: అలీ వల్లే ఇండస్ట్రీలో సక్సెస్ అయ్యాను!: పూరి

December 18, 2023 / 05:23 PM IST

తెలుగు చిత్ర పరిశ్రమలో దర్శకుడుగా ఎంతో మంచి సక్సెస్ అందుకున్నటువంటి వారిలో డైరెక్టర్ పూరీ జగన్నాథ్ కూడా ఒకరు. ఈయన ఎన్నో అద్భుతమైనటువంటి బ్లాక్ బస్టర్ సినిమాలను ప్రతి ఒక్క హీరోకి అందించారు. అయితే ఇటీవల కాలంలో పూరి చేసిన సినిమాలన్నీ కూడా పెద్దగా ప్రేక్షకులను ఆకట్టుకోలేకపోతున్నాయి. ప్రస్తుతం ఈయన హీరో రామ్ తో డబుల్ ఇస్మార్ట్ అనే సినిమాని చేస్తున్నారు. ప్రస్తుతం ఈ సినిమా షూటింగ్ పనులు జరుపుకుంటుంది.

ఒక పాత వీడియో ప్రస్తుతం సోషల్ మీడియాలో వైరల్ గా మారింది. ఇందులో భాగంగా ఈయన అలీ గురించి మాట్లాడుతూ చేసినటువంటి కామెంట్స్ వైరల్ అవుతున్నాయి. ఒకానొక సమయంలో తనకు సినిమాలు లేక ఎన్నో ఇబ్బందులు ఎదుర్కొన్నానని పూరి తెలిపారు. ఇలా ఇబ్బందులు పడుతున్న సమయంలో తన స్నేహితుడైనటువంటి అలీ గారు తనకు ఒక పెద్ద నెక్లెస్ ఇచ్చారని తెలిపారు. ఆ నెక్లెస్ కొన్ని లక్షల విలువ చేస్తుంది. దీనిని వేసుకో నీ కష్టాలన్నీ తొలగిపోతాయి అంటూ నాకు చెప్పారు

అయితే నాకు దేవుడు అంటే సెంటిమెంట్స్ అంటే నమ్మకం లేదు కానీ అలీని నమ్మానని తెలిపారు. ఇక ఆ నెక్లెస్ నేను వేసుకోలేను కనుక నా భార్యకు ఇచ్చి వేసుకోమని చెప్పాను. నాకు దేవుడిపై నమ్మకం లేకపోయినా ఈయనపై నమ్మకం ఉండేదని అయితే ఈయన చెప్పిన విధంగానే ఆ నెక్లెస్ మేము మా ఇంట్లో పెట్టుకోవడం వల్ల తిరిగి నాకు మంచి సక్సెస్ వచ్చిందని నేను ఇండస్ట్రీలో తిరిగి నిలబడటానికి అలీ కూడా కారణం అంటూ తమ మధ్య ఉన్నటువంటి స్నేహబంధం గురించి ఓ ఇంటర్వ్యూ సందర్భంగా (Puri Jagannadh) పూరీ జగన్నాథ్ చేసినటువంటి వ్యాఖ్యలు వైరల్ అవుతున్నాయి.