టాలీవుడ్ కలక్షన్లకు తన సినిమాలతో కొత్త టార్గెట్లను ఫిక్స్ చేసిన స్పీడ్ డైరక్టర్ పూరి జగన్నాథ్ స్టార్ హీరోలపై కోపంగా ఉన్నారు. సూపర్ స్టార్ మహేష్ బాబు, యంగ్ టైగర్ ఎన్టీఆర్ లకు కథలు చెప్పినా వారు డేట్స్ ఇవ్వడానికి ఆలోచిస్తుండడంతో వారిపై అలక ప్రదర్శిస్తున్నారు. అసలు స్టార్ హీరోలతో కాకుండా ఓ కమెడియన్ తో సినిమా తీసి బ్లాక్ బస్టర్ హిట్ కొట్టి, తన ట్యాలెంట్ ని ప్రదర్శించాలని కసిగా ఉన్నారు. అందుకే స్క్రిప్ట్ పూర్తిచేయడానికి పూరి కొన్ని రోజుల క్రితం బ్యాంకాక్ వెళ్లారు.
ఇంతకీ ఆ హీరో ఎవరో కాదు సునీల్. హీరోగా ఆయన నటిస్తున్న సినిమాలు థియేటర్లలోకి అలా వచ్చి, ఇలా వెళ్లిపోతుండడంతో హీరోగా కొనసాగాలా? కమెడియన్ గా సర్దుకుపోవాలా? అనే ఆలోచనలో ఉన్నారు. ఇటువంటి పరిస్థితుల్లో ఓ మంచి హిట్ కావాలి. కాబట్టి పూరి తో సునీల్ జత కలిసినట్టు తెలిసింది. మరి వీరిద్దరి కాంబినేషన్ టాలీవుడ్ లో ఎటువంటి రికార్డులను కొల్లగొట్టనుందో చూడాలి.
