Raadhika Sarathkumar: ‘ఆడవాళ్ళు మీకు జోహార్లు’ మూవీ పై రాధికా శరత్ కుమార్ ఇంట్రెస్టింగ్ కామెంట్స్..!

శర్వానంద్ హీరోగా కిషోర్ తిరుముల దర్శకత్వంలో రూపొందుతున్న లేటెస్ట్ మూవీ `ఆడవాళ్లు మీకు జోహార్లు`. ర‌ష్మిక మంద‌న్న హీరోయిన్‌ గా నటిస్తున్న ఈ చిత్రం ఫిబ్రవరి 25న విడుదల కానుందని చిత్ర బృందం ప్రకటించింది. అదే రోజున పవన్ కళ్యాణ్ ‘భీమ్లా నాయక్’ మూవీ కూడా రిలీజ్ అవుతుందని తెలిసినా… ‘ఆడవాళ్ళు..’ టీం వెనక్కి తగ్గకుండా హ్యాపీగా ప్రమోషన్స్ చేసుకుంటుంది. ఈ సినిమా టీజర్ కు మంచి ఆదరణ లభించింది. శర్వానంద్ ఫామ్లో లేకపోయినా టైటిల్‌తోనే ఈ మూవీ పై పాజిటివ్ వైబ్స్ ఏర్పడ్డాయి. ‘శ్రీ లక్ష్మీ వెంకటేశ్వర సినిమాస్’ బ్యానర్ పై సుధాకర్ చెరుకూరి ఈ చిత్రాన్ని నిర్మించారు. ఇక ప్రమోషన్లలో భాగంగా రాధికా శరత్ కుమార్ తో సహా నటీనటులు చేసిన కామెంట్స్ ఇప్పుడు వైరల్ అవుతున్నాయి.

Click Here To Watch

రాధికా శరత్ కుమార్ మాట్లాడుతూ… “ముందుగా ‘ఆడ‌వాళ్ళు మీకు జోహార్లు’ టీమ్ అంద‌రికీ కంగ్రాట్యులేష‌న్స్‌. ఈ చిత్రం షూటింగ్ మొద‌టి రోజు నుండీ చాలా హ్యాపీగా షూటింగ్లో పాల్గొనే వాళ్ళం. మేమంతా ఒక యూనిట్‌లా మారి ప్ర‌తి సీన్ గురించి కూర్చుని మాట్లాడుకుంటూ షూటింగ్ చేసేవాళ్ళం. తెలుగులో నేను దాదాపు 250కి పైగా సినిమాల్లో న‌టించాను. అయితే ఈ సినిమాలో మాత్రం ప్ర‌తి పాత్ర‌కు ప్రాధాన్యం ఉంటుంది. ఫ్యామిలీస్‌తో క‌లిసి హ్యాపీగా చూడదగ్గ సినిమా ఇది. మిస్ కాకుండా చూడండి” అంటూ చెప్పుకొచ్చారు.

రష్మిక మాట్లాడుతూ.. “డైరెక్టర్ కిషోర్ సర్ ఈ స్క్రిప్ట్ చెప్పినప్పుడు చాలా న‌వ్వుకున్నాను. సినిమా షూటింగ్ లో కూడా న‌వ్వుతూనే ఉన్నాం. డ‌బ్బింగ్ స‌మ‌యంలోనూ న‌వ్వుతూనే ఉన్నాం..సినిమా అందరినీ ఫుల్ గా ఎంట‌ర్‌టైన్ చేస్తుంది. ఫిబ్ర‌వ‌రి25 కోసం నేను చాలా ఎగ్జ‌యిటింగ్‌గా ఎదురుచూస్తున్నాను. ఫ్యామిలీ ఓరియంటెడ్ క‌థ‌తో తెర‌కెక్కిన ఈ మూవీ నా ఫేవ‌రేట్ సినిమాల్లో ఒక‌టి” అంటూ చెప్పుకొచ్చింది.

కుష్బూ మాట్లాడుతూ .. “ఓ మూవీ మన పాత్ర ఎలా ఉంటుంది అనేది చాలా ముఖ్యమైంది. ఈ మూవీలో అన్ని క్యారెక్ట‌ర్స్‌కి మంచి ప్రాముఖ్యత ఉంటుంది. కుంటుంబ విలువ‌లు, బంధాలు నేప‌థ్యంలో ఈ చిత్రాన్ని దర్శకుడు అద్భుతంగా ఆవిష్కరించాడు. ఫ్యామిలీ ఆడియ‌న్స్‌ ను ఈ మూవీ బాగా ఆకట్టుకుంటుంది. ఇలాంటి మంచి సినిమాలో భాగ‌మైనందుకు నేను చాలా హ్యాపీగా ఫీలవుతున్నాను. నా ఫేవ‌రేట్ యాక్ట‌ర్స్‌తో స్క్రీన్ షేర్ చేసుకోవ‌డం మరింత హ్యాపీ అనిపించింది. నాకు ఈ అవ‌కాశం ఇచ్చిన ద‌ర్శ‌క నిర్మాత‌ల‌కి థ్యాంక్స్‌“ అంటూ చెప్పుకొచ్చింది.

భామా కలాపం సినిమా రివ్యూ & రేటింగ్!

Most Recommended Video

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!