చేసుకొంటే తెలుగు అబ్బాయినే పెళ్లి చేసుకొంటాను

హీరోయిన్ గా ఒకట్రెండు సినిమాలు చేసిన ప్రతి హీరోయిన్ ని ఆల్మోస్ట్ ప్రతి రిపోర్ట్ అడిగే రెగ్యులర్ క్వశ్చన్ “పెళ్లి ఎప్పుడు చేసుకొంటారు, ఎవర్ని చేసుకొంటారు?”. ఈ ప్రశ్న అడిగినప్పుడల్లా సదరు హీరోయిన్ కి ఎంత కోపమొచ్చినా “ఇప్పుడప్పుడే కాదులెండి, త్వరలోనే చెబుతాను లేదా అసలు పెళ్లి ఆలోచన లేదు” అని చెబుతుంటారు. శ్రియ లాంటి హీరోయిన్ అయితే సింపుల్ గా “ఇది మీకు అనవసరం” అని సమాధానమిస్తుందనుకోండి అది వేరే విషయం. అయితే.. ఇదే ప్రశ్నను మీడియాతో మంచిగా వ్యవహరించే అలవాటున్న రాశీఖన్నాను అడిగితే మాత్రం చాలా తెలివిగా “మంచి తెలుగబ్బాయిని చూసి పెళ్లి చేసుకొంటాను” అని సమాధానమిచ్చింది.

ఈ మాట మనస్ఫూర్తిగా అన్నదో లేక తన తాజా చిత్రం “శ్రీనివాసకళ్యాణం” విడుదలను దృష్టిలో పెట్టుకొని అన్నదో తెలియదు కానీ.. రాశీఖన్నా అలా స్టేట్ మెంట్ ఇచ్చేసరికి రెండు తెలుగు రాష్ట్రాల్లో ఉన్న పెళ్లీడుకొచ్చిన తెలుగబ్బాయిలు మాత్రమే కాక ప్రపంచవ్యాప్తంగా ఉన్న తెలుగబ్బాయిలందరూ రాశీఖన్నా దృష్టిలో పడేందుకు పోటీపడుతున్నారంట. మరి ఈ అందాల భామ ఏ తెలుగబ్బాయిని కరుణించనుందో చూడాలి.