విజయ్ కారణంగా హ్యాట్రిక్ హిట్ కోల్పోయిన రాశి ఖన్నా

February 17, 2020 / 01:06 PM IST

రాశి ఖన్నా 2019లో మంచి హిట్స్ అందుకుంది. తమిళంలో చేసిన టెంపర్ రీమేక్ అయోగ్య సినిమాతో పాటు, విజయ్ సేతుపతి సరసన చేసిన సంగతమిజాన్ మంచి విజయం సాధించాయి. తెలుగులో ఏడాది చివర్లో విడులైన రెండు చిత్రాలు హిట్ మూవీస్ గా నిలిచాయి. నాగ చైతన్య-వెంకటేష్ ల మల్టీ స్టారర్ వెంకీ మామ హిట్ కాగా, సాయి ధరమ్ తేజ్ హీరోగా మారుతీ తెరకెక్కించిన ఫ్యామిలీ ఎంటర్టైనర్ ప్రతిరోజు పండగే సూపర్ హిట్ గా నిలిచింది. ఈ రెండు వరుస విజయాలు, అందులోని పాత్రలు ఆమెకు మంచి పేరు తెచ్చిపెట్టాయి.

Vijay Deverakonda With Raashi Khanna

కాగా ఈ ఏడాది ఆమె నటించిన మెదటి చిత్రం వరల్డ్ ఫేమస్ లవర్. విజయ్ దేవరకొండ హీరోగా భారీ అంచనాల మధ్య విడుదలైన ఈ చిత్రం అనూహ్యంగా ప్లాప్ టాక్ తెచ్చుకుంది. ఈ చిత్రంలో తన సంప్రదాయాన్ని ప్రక్కన పెట్టి కొంచెం బోల్డ్ రోల్ చేసినప్పటికీ, ఫలితం మాత్రం బెడిసికొట్టింది. వరుస విజయాలతో దూసుకుపోతున్న రాశికి వరల్డ్ ఫేమస్ లవర్ బ్రేక్ వేసింది. ఇక సినిమాలో పాత్ర పరంగా ఆమె చేసిన యామిని పాత్రకు ప్రాధాన్యం ఉన్నప్పటికీ, ఐశ్వర్య రాజేష్ చేసిన పాత్రకు మంచి పేరు వచ్చింది. అలా నటించిన నలుగురు హీరోయిన్స్ లో ఎక్కువ మార్కులు ఐశ్వర్య కొట్టేసింది. ఇక తెలుగులో ఆమెకు పెద్ద అవకాశాలేమి లేవు. తమిళంలో మాత్రం రెండు సినిమాలు చేస్తుంది.