ఎలాంటి సినీ బ్యాక్ గ్రౌండ్ లేకుండా కష్టపడి షార్ట్ ఫిలిమ్స్ నుంచి స్టార్ హీరోగా ఎదిగిన హీరో రాజ్ తరుణ్. చిన్న వయసులోనే ఉయ్యాల జంపాల సినిమాతో ఒక క్యూట్ లవ్ స్టోరితో ప్రేక్షకుల ముందుకు వచ్చి తనకంటూ ఒక స్టార్ ఇమేజ్ ను క్రియేట్ చేసుకున్నాడు. సినిమా చూపిస్త మావ, కుమార్ 21, రాజుగాడు, కిట్టు ఉన్నాడు జాగ్రత్త, అందగాడు.. ఇలా విభిన్నమైన సినిమాలు చేసుకుంటూ వచ్చాడు. డిఫరెంట్ కంటెంట్ ఉన్న కథలను సెలెక్ట్ చేసుకుంటూ కొత్త దర్శకులకు కూడా అవకాశం ఇస్తున్నాడు.
ఇక రాజ్ తరుణ్ త్వరలోనే మరొక డిఫరెంట్ కాన్సెప్ట్ తో ప్రేక్షకుల ముందుకు రాబోతున్నాడు. తమడ మీడియా అలాగే జీ5 సంయుక్తంగా నిర్మించబోయే వెబ్ సీరీస్ లో రాజ్ తరుణ్ హీరోగా నటించబోతున్నాడు. డిఫరెంట్ కథలను ఎక్కువగా ఇష్టపడే రాజ్ తరుణ్ దర్శకుడు సంజీవ్ రెడ్డి చెప్పిన కథకు సింగిల్ సిట్టింగ్ లోనే గ్రీన్ సిగ్నల్ ఇచ్చాడు. ఇంతకుముందు ఈ దర్శకుడు ABCD అనే డిఫరెంట్ సినిమాతో మంచి గుర్తింపును అందుకున్నాడు.
క్రియేటావ్ గా ఆలోచించే తమడ మీడియా కూడా ఈ ప్రాజెక్ట్ ను నిర్మించేందుకు సిద్ధమవ్వడంతో పాటు జీ5 కూడా భాగస్వామ్యంగా చేరడంతో పాజిటివ్ వైబ్రేషన్ క్రియేట్ అయ్యాయి. రాహుల్ తమడ అలాగే సాయి దీప్ రెడ్డి బుర్ర నిర్మాతలుగా వ్యవహరిస్తున్న ఈ వెబ్ సీరీస్ ను రాజమండ్రి దాని పరిసర ప్రాంతాలలో 15 రోజుల పాటు షూటింగ్ నిర్వహించనున్నారు.
మరొక ఆసక్తికరమైన విషయం ఏమిటంటే ఈ ప్రాజెక్ట్ లో కథానాయికగా రాజశేఖర్ కూతురు శివాని నటిస్తుండడం విశేషం. రాజ్ తరుణ్, శివాని జంట ఈ వెబ్ సీరీస్ పర్ఫెక్ట్ గా సెట్టయినట్లు తెలుస్తోంది. ఇక ఈ వెబ్ సీరీస్ ను రాజమండ్రి లో ఆదివారం రోజు పూజా కార్యక్రమాలతో లాంచ్ చేశారు. ఈ కార్యక్రమంలో MP శ్రీ మార్గాని భరత్ , శ్రీ ఉండవల్లి అరుణ్ కుమార్, శ్రీ చందన నాగేశ్వరావ్ ZEE5 పూర్ణ ప్రజ్ఞ , రాధకృష్ణవేణి తదితర ప్రముఖులు పాల్గొన్నారు.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
