బాహుబలి చిత్రాలు సాధించిన రికార్డులు, కలక్షన్ల గురించి.. ప్రపంచం మొత్తం తెలిసింది. కానీ మూవీ థియేటర్ లోకి రావడం వెనుక పడిన కష్టం చిత్ర బృందానికి మాత్రమే తెలుస్తుంది. ముఖ్యంగా ప్రభాస్ తన సినీ కెరీర్ లో పది సినిమాలు చేయగల సమయాన్ని ఈ రెండు చిత్రాలకు కేటాయించారు. అందుకు తగ్గ ప్రతిఫలం తక్కినందుకు ప్రభాస్ సంతోషంగానే ఉన్నారు. బాహుబలి మూడో పార్ట్ తీద్దామ్ అంటే మాత్రం షాక్ తింటున్నారు. దగ్గుబాటి రానా బులితెరలో చేస్తున్న ‘నెంబర్ వన్ యారీ విత్ రానా’ షో కి రాజమౌళి గెస్ట్ గా వచ్చారు. ఈ షోలో జక్కన్న.. ప్రభాస్ కు ఫోన్ కాల్ చేశారు. ప్రభాస్ తో బాహుబలి3 గురించి రాజమౌళి ప్రతిపాదిస్తూ.. బాహుబలి3 గురించి డిస్కస్ చేద్దాం అన్నాడు.
అంతే ఒక్కదెబ్బకు షాక్ తినేసిన ప్రభాస్.. ‘అమ్మ.. నీ.. ” అంటూ నవ్వేశాడు. ఫోన్ కాల్ కావడంతో.. ఈ ప్రభాస్ ఫీలింగ్ చూసేందుకు అవకాశం లేకపోయినా.. రియాక్షన్ తీరు చూస్తే మాత్రం ప్రభాస్ ఎంతగా షాక్ తిన్నాడో అర్ధమయింది. ప్రభాస్ నుంచి వచ్చిన రియాక్షన్ చూసి రాజమౌళి, రానాలు నవ్వేశారు. బాహుబలి రెండు భాగాల కోసం ఐదేళ్లు కేటాయిస్తే.. ఇప్పుడు బాహుబలి3 అనగానే దానికోసం ఎన్నేళ్లు పడుతుందో అనే ఆలోచన ప్రభాస్ లో షాక్ కి కారణం అయి ఉంటుంది.
Also, do SUBSCRIBE to our YouTube channel to get latest Tollywood updates.
