స్టార్ హీరోలు ఒకే తెరపై రెండు పాత్రల్లో కనపడుతుంటే అభిమానులు పొందే ఆనందాన్ని కొలవడం కష్టం. ఒకే టికెట్ పై రెండు సినిమాలు చూసినట్టు ఉంటుంది. ఇక సూపర్ స్టార్ రజనీకాంత్ విషయానికొస్తే… ‘అరుణాచలం’, ‘ముత్తు’, ‘లింగ’ కలుపుకుని పలు సినిమాల్లో ద్విపాత్రాభినయం చేశారు. వాటిలో విజయం సాధించిన సినిమాలే ఎక్కువ. అయితే రజనీ ఇప్పుడు మూడు పాత్రలతో కనువిందు చేయనున్నారన్న వార్త సినీ ప్రియులలో ఆసక్తి రేపుతోంది.
శంకర్ దర్శకుడిగా రజనీ ప్రస్తుతం ‘రోబో 2’ సినిమా చేస్తున్న సంగతి తెలిసిందే. ‘రోబో’లో శాస్త్రవేత్త వశీకరణ్ పాత్రతో పాటు రోబో పాత్రలో చిట్టి గాను అలరించారు రజనీ. ముఖ్యంగా రోబో పాత్ర చేసిన విన్యాసాలు ప్రేక్షకులను మంత్రముగ్దులను చేశాయి. అటువంటిది రోబో సీక్వెల్ లో రజనీ కాంత్ మూడు పాత్రల్లో దర్శనమివ్వనున్నారట. తొలి భాగంలోని రెండు పాత్రలు ఎటూ రిపీట్ అవుతుంటాయి. చిట్టి పాత్ర తిరిగి వస్తున్నట్టు తొలిభాగంలోనే చూపించారు కూడా. మరి మూడో పాత్ర ఏమిటన్నదానిపై అందరిలోనూ ఉత్సుకత మొదలైంది. ఇదే నిజమైతే రజనీ మూడు పాత్రల్లో కనపడనున్న తొలి సినిమా బహుశా ఇదేనేమో..!
https://www.youtube.com/watch?v=0QWHft4rXAs
