సౌత్ ఇండియన్ సూపర్ స్టార్ రజనీ కాంత్ బాలయ్య పుస్తకం చదివారు. అవును కబాలి చిత్రంలో రజనీ చేతిలో ఆ పుస్తకమే ఉంటుంది. ఆ చిత్రంలోని స్టిల్ ఇప్పుడు నెట్ లో బాగా షేర్లు అందుకుంటున్నాయి. నందమూరి బాలకృష్ణ పుస్తకం సూపర్ స్టార్ చదవడం ఏమిటి ? అని నెటిజనులు ఆశ్చర్యంగా ఫోటోని తిలకించి .. అసలు విషయం తెలుసుకొని కూల్ అవుతున్నారు. ‘మా నాన్న బాలయ్య’ పేరుతో ఉన్న పుస్తకాన్ని రజనీ కబాలి సినిమాలో చదువుతూ కనిపిస్తారు.
అది కొన్ని క్షణాలు మాత్రమే. అయితే ఆ పుస్తకం నటసింహ బాలకృష్ణ గురించి కాదు. 1700 కాలంలో అంటరాని తనం ఎలా ఉండేదో ? తెలుపుతూ ఓ దళితుడు రాసిన పుస్తకం. ఆ పుస్తకం ద్వారా స్ఫూర్తి పొంది దర్శకుడు పా. రంజిత్ కబాలి ని మలిచారు. ఆ కృతజ్ఞత భావంతో ఆ పుస్తకాన్ని రజనీ చదివేలా షూట్ చేశారు. ఆ విషయాన్నివివరించకుండా “బాలయ్య పుస్తకాన్ని చదివిన రజనీ” అంటూ నెట్ లో కొందరు పోస్ట్ చేసి ఫన్ ని క్రియేట్ చేస్తున్నారు. సోమవారం సోషల్ మీడియాలో హల్ చల్ చేసిన పోస్ట్ ల్లో ఇది ముందు వరుసలో నిలిచింది.
