సౌత్ ఇండియన్ సూపర్ స్టార్ రజినీకాంత్ వయస్సు 70 ఏళ్ళు. ఈ ఏజ్ లో కూడా ఆయన వరుస పెట్టి సినిమాలు చేస్తున్నారు. ఇది మిగిలిన స్టార్ హీరోలకు, కుర్ర హీరోలకు సైతం పెద్ద షాకిస్తుంది. యాక్షన్ సినిమాల్లో కూడా రజినీ నటిస్తుండడం విశేషం. డూప్ లను పెట్టుకునయినా సరే ఆయన పోరాట సన్నివేశాల్లో పాల్గొంటున్నారు. అయినప్పటికీ ప్రేక్షకులు.. ‘రజినీ స్క్రీన్ పై కనిపిస్తే చాలు’ అనే కోరుకుంటూ ఒరిజినాలిటీని పట్టించుకోవడం లేదు.
సరే ఇక అసలు విషయం ఏమిటంటే.. 70 ఏళ్ళ వయసులో రజినీ ఓ ప్రేమకథా చిత్రంలో నటించబోతున్నారట. వినడానికే విడ్డూరంగా ఉంది కదూ. ఇంతకీ ఈ ఆలోచన ఏ దర్శకుడికి వచ్చింది? అనే ప్రశ్న మీ మదిలో మెదులుతూనే ఉండవచ్చు. అందుతున్న సమాచారం ప్రకారం.. ‘ప్రేమమ్’ అనే చిత్రంతో సూపర్ హిట్ అందుకుని మంచి గుర్తింపు తెచ్చుకున్న అల్ఫోన్సే పుత్రెన్ రజినీ కాంత్ తో ఓ సినిమా చేసే అవకాశాన్ని దక్కించుకున్నాడట. రజినీతో ఓ స్టైలిష్ లవ్ స్టోరీని తెరకెక్కించేందుకు రెడీ అవుతున్నాడట.
ఇటీవల ఫేస్బుక్ లో ‘రజినీతో సినిమా చెయ్యాలని ఆశపడుతున్నట్టు’ ఆ కుర్ర డైరెక్టర్ తెలిపాడు. కథ చెప్పడానికి ప్రయత్నించగా ఆ ప్రయత్నాలు వర్కౌట్ అవ్వలేదని’ కూడా తెలిపాడు. అయితే తాజాగా రజినీ నుండీ ఇతనికి ఫోన్ వచ్చిందని సమాచారం. ఆ సంభాషణలోనే కథ కూడా వివరించడం జరిగిపోయిందట. రజినీకి కథ నచ్చింది. శివ ప్రాజెక్ట్ కంప్లీట్ అయ్యాక అల్ఫోన్సే సినిమా సెట్స్ పైకే తీసుకెళ్ళే అవకాశం ఉందని టాక్ వినిపిస్తుంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home