పా రంజిత్ దర్శకత్వంలో సూపర్ స్టార్ రజనీకాంత్ నటిస్తున్న తాజా చిత్రం కబాలి. ఈ చిత్రానికి సంబంధించిన డబ్బింగ్ కార్యక్రమాలు ఇటీవలే ప్రారంభం కాగా.. తమిళనాట ఏప్రిల్ లో విడుదల కావలసిన ఈ చిత్రం వాయిదా పడింది. తాజా సమాచారం ప్రకారం ఈ చిత్రాన్ని జూన్ 3 న ప్రేక్షకుల ముందుకు తీసుకురావడానికి చిత్ర బృందం సన్నాహాలు చేస్తున్నారని కోలీవుడ్ వర్గాలు అంటున్నాయి.
మరోవైపు ఈ చిత్రానికి సంబంధించిన టీజర్ ను మే 1 న విడుదల చేయనున్నట్లు సమాచారం. కలైపులి ఎస్ థాను నిర్మిస్తున్న ఈ చిత్రంలో రజనీ సరసన రాధికా ఆప్టే జంటగా నటిస్తుండగా.. ధన్సిక ఓ ప్రముఖ పాత్రలో నటిస్తోంది. ఈ చిత్రానికి సంతోష్ నారాయణన్ స్వరాలు సమకూరుస్తున్నాడు.
